Dünən
klubumuzda, " Xəzər Lənkəran” ailəsində toy mərasimi olduğu ilə bağlı məlumat
vermişdik. Bu gün isə " Xəzər Lənkəran” klubunun həkim-masajçısı Ruslan Şərifovun
Salyanda keçirilən toyu barədə qısa xronikanı və foto kadrları sizlərlə
paylaşırıq. " Sevinc” şadlıq sarayında
keçirilən toy saat 19-da başlayıb və Lənkərandan gələn nümayəndə heyəti ilə
birgə Bakıdan yola düşən klub nümayəndələri eyni vaxtda toyun keçirildiyi
saraya daxil olublar. İlk dəqiqələrdən böyük diqqət və sevgi ilə qarşılaşan
klubumuzun üzvləri toy iştirakçılarının istəyi ilə çoxlu şəkil çəkdirdikdən
sonra " Xəzər Lənkəran” klubunun icraçı direktoru Höccət Hacıyev, bəy və gəlini
klub rəhbərliyinin, bütün camiənin adından təbrik edərək xoş arzularını
çatdırıb. Daha sonra komandanın baş məşqçisi Mirça Rednik alqışlarla musiqiçilərin
qarşısına gələrək ürək sözlərini çatdırıb. Əsl toy havası da
bundan sonra başlayıb ki, bütün texniki heyət
və futbolçular dövrə alaraq Azərbaycan rəqslərinə əl götürüb oynayıblar.
Legioner futbolçular yerli rəqs havalarını oynamaqda çətinlik çəkməklərinə rəğmən
doyunca rəqs ediblər. Ən maraqlısı isə
İbrahim Banqura və Mirça Rednikin rəqslərimizi böyük ustalıqla oynaması olub.
Toyun sonuna qədər Ruslan Şərifovu tək buraxmayan komanda yoldaşları mərasim
bitəndəndən sonra öz avtomobilləri ilə bəyi evinə qədər kartej formasında
müşayiət ediblər.
Mənbə: "12cioyuncu.info”
Biz də öz növbəmizdə
"Bosman” fanklubu olaraq klubumuzda daim belə xoş günlər və xoş əhval-ruhiyyənin
olmasını arzulayaraq, Ruslan bəyə və xanımına gözəl ailə qurub uzun ömür
arzulamaqla, sonadək xoşbəxt yaşamağı ulu tanrıdan rica edirik.
Allah Xeyir
Versin!
|