Bu günlərdə mətbuatda yayılan xəbərlərdə "Xəzər Lənkəran” fanatlarının sıralarının genişlənməsi haqda məlumat yayılıb. Belə ki, az əvvəl ölkə xaricində də, konkret mərkəzi ofisi Moskva şəhərində yerləşən "Xəzər Lənkəran”ın Rusiya fanklubunun fəaliyyətə başlaması xəbəri yayıldı. Bununla "Xəzər Lənkəran” azarkeşləri ölkə xaricinə çıxmaqla, daha bir ilkə imza atmış oldular.

            Daha sonra 2011-ci il May ayının 1-də Azərbaycan ərazisində konkret Bakı şəhərində daha bir fanat qurumu təsis edildiyi haqda mətbuatda məlumatlar yayıldı. Belə ki, adı "Caspian Ultras” olan yeni fanat qurumu artıq fəaliyyətə başlaması ilə bağlı bəyanat da yayımlayıb. Biz də "Xəzər Lənkəran” futbol klubunun müstəqil fanat qurumu olan "Bosman” fanklubu adından həm yeni təsis olunan və həm də əvvəldən fəaliyyət göstərən bütün fanat qurumlarımıza müvəffəqiyyətlər arzu edirik.

Bununla da ən böyük azarkeş sayına malik olan "Xəzər Lənkəran” futbol klubunun fanatları "Rəsmi Fanklub”, "12-ci oyunçu” azarkeş qrupu, "Fırtına”, "Bosman”, Rusiya Fanklubu” və nəhayət "Caspian Ultras” fanat qurumları olmaqla sayını 6-ya çatdırdı. Beləliklə, demək olar bütün sektorlarda fanat dəstəyi olacaq doğma "Xəzər Lənkəran” klubumuz daha çox dəstək almaqla qələbələrini sıralayacaq. Hamımız bir məqsəd uğrunda, "Xəzər Lənkəran”a daha möhtəşəm dəstək və nəticə qazanmaq uğrunda birgə olmalıyıq. Bir daha "Xəzər Lənkəran” ailəsinə uğurlar arzulayırıq. Çünki, bu ailə daha gözəl nəticələrə layiqdir!