Həm fanklubumuzun üzvlərindən, həm də sıravi azarkeşlərdən ünvanımıza daxil olan xahişləri nəzərə alaraq "Bosman” fanklubu "Xəzər Lənkəran” rəhbərliyinə müraciət etməyi lazım bildi.

            Onların xahışlərində qəlbən bağlı olduqları doğma  "Xəzər Lənkəran”ın matçlarını canlı olaraq stadiondan izləmək istəkləri ifadə olunur. Lakin göstərilən həmin qrup azarkeşlər müxtəlif peşələrdə çalışdıqları üçün doğma komandalarının erkən saatlarda başlayan oyunlarına gələ bilməmələrindən çox narahatdırlar. Onlar yenilənmiş "Xəzər Lənkəran”ı canlı olaraq stadiondan izləmək və öz azarkeş dəstəyini komandanın qələbələrinə həsr etmək istəyində olduqlarını bildirirlər. Bunun üçün bizdən xahiş etdilər ki, "Xəzər Lənkəran”ın ev oyunlarının başlama saatını mümkünsə daha gec saatlarda keçirilməsinə qərar versinlər.

            Biz də onlarla müəyyən diskussiyadan sonra klub rəhbərliyinə müraciət etməyi qərara alıb, "Xəzər Lənkəran”ın ev oyunlarının saat 18­^:00 da, yaxud da mümkünsə 19^:00 da keçirilməsinin belə azarkeşlər üçün daha məqsədəuyğun olduğunu hesab edirik. Qış fəslinin bitməkdə olduğunu və gunlərin uzandığını nəzərə alaraq klub rəhbərliyindən azarkeşlərin bu istəyini müsbət cavablandıracağına ümid edirik.

            Hörmətlə: "Bosman” fanklubunun idarə heyəti.                         14.02.11