Bu gün "Xəzər Lənkəran” Vətənə qayıtdıqdan sonra Bakıda ilk məşqinə çıxacaq. Mütəmadi olaraq məlumat verdiyimiz kimi, qış fasiləsinin böyük hissəsini Antalya toplanışına həsr etmiş komandamız bu vaxt ərzində heyətini komplektləşdirmək məqsədi ilə bir çox yeni oyunçunu yoxlama görüşləri vasitəsilə baxışdan keçirib. Bugündən etibarən isə "Xəzər Lənkəran” bilavasitə ölkə çempionatına hazırlıqlara start verir. Qarşıda gərgin oyun qrafiki olan komandamız qeyd olunan məşqə tam heyətdə çıxacaq, belə ki, yerli futbolçularla yanaşı artıq əcnəbi futbolçular da Azərbaycandadır.
Nəzərinizə çatdıraq ki, komandamızın məşqi bu gün saat 14.30-da "Neftçi” Futbol Klubuna məxsus bazada baş tutacaq. Mənbə: "Lankaranfc.com"
|