Belorusiyanın BATE futbol klubu həqiqətən də son illər özünü Avropada sübut edə bilir. Son illər demək olar ki, Avropa ÇL-nın və AL-nın qrup mərhələlərinin daimi sakininə çevrilmiş bu kiçik postsovet respublikasının futbolu və xüsusən də BATE futbol klubu çox şeyləri isbat edə bilib. Bu mövsüm ÇL-nın qrup mərhələsində Fransa nəhənglərindən biri olan "Lill” klubuna səfərdəcə 1:3 hesabı ilə qalib gələrkən çoxları bunun bəlkə də təsadüf olduğunu fikirləşirdi. Amma ikinci tur qrup mərhələsinin oyunlarında Almaniya və həmçinin dünya nəhənglərindən olan "Bavariya” futbol klubunu da doğma meydanda 3:1 hesabı ilə diz çökdürə bildi. Futbol məşqçiliyi üçün həddən artıq gənc hesab oluna bilən BATE-nin baş məşqçisi Rusiyanın nəhəhg komandalarından təklif alsa da fikrinin yalnız BATE ilə bağlı olduğunu bildirərək bu dəvətləri qəbul etmir.

Gəlin görək "Bavariya” üzərindəki qələbədən sonra 1977 təvəllüdlü bu gənc baş məşqçi Viktor Qonçarenko nələri söyləyib: "Bilirsiz, biz ölkəmizdə pulla bağlı məsələlərdən çox uzağıq. Futbolçuların qiyməti, transferi və məvacibi kimi mməsələləri müzakirə etmirik. Bizi yalnız futbol maraqlandırır. BATE-nin 11 oyunçusu transfer məbləği baxımından "Bavariya”dan çox geri qalır. Nə baş verdi? Almanlar bizi məgər parçaladı? Yox, biz onlara diz çökdürdük. Dediyim odur ki, futbolu heç də pul oynamır!” 

Qeyd: Qonçarenkonun dedikləri "Futbol+" qəzetindən götürülüb