 Bir neçə gün əvvəl, Rumıniyanın məşhur saytlarından olan "Prosport.ro" saytına istinadən, bizim "Bosman.at.ua" saytı Uinston Parksın "Xəzər Lənkəran"a transfer olunacağı barədə xəbər yaymışdı. Bu xəbərdə onun klubumuza keçməsinin maddi şərtləri də göstərilirdi. Onu da deyək ki, bu xəbərin Rumın dilindən Azərbaycan dilinə tərcüməsi də saytımıza məxsus idi. Həm bu transferin alınması və həm də xəbərimizin düzgünlüyünə görə sevinməyə bilmərik. **************************************************
"Xəzər Lənkəran” klubu bu gün yeni futbolçu Kosta-Rika vətəndaşı olan Uinston Antonio Parks Tifet (Uinston Parks) ilə iki illik müqavilə imzalayıb. 1981-ci il təvəllüdlü hücumçu Uinston Parks öz professional futbol karyerasını 16 yaşında başlayıb. Onun ilk oynadığı komanda doğma Limon şəhərinin "Limonense" klubu olub. O, 1999-cu ildə Nigeriyada, daha sonra Argentinada 20 yaşa çatmayan gənclər arasinda dünya çempionatında öz ölkəsinin milli komandasında çıxış edib. 2000-ci ildə Uinston Parks Avropaya gedərək orada İtaliyanın "Udineze" klubu ilə anlaşıb və 1 ildən artıq bu komandanın şərəfini qoruyub. Daha sonra futbolçu həmin ölkənin "Askoli” klubuna keçib. 2002-2006-cı illəri Parks Rusiyanın "Lokomotiv” klubuna keçib, iki dəfə bu ölkənin çempionluğunu qazanıb və superkubokun qalibi olub. Premyer Liqada 64 matçda 13 qol vuran Parks Rusiyada "Lokomotiv"dən başqa "Saturn”un da şərəfini qoruyub. 2006-2007 mövsümünü Uinston Parks Çexiyanın Liberek şəhərinin "Slovan" klubunda çıxış edib, sonra isə doğma ölkəsinə qayıdıb və orada 2007-2008 mövsümündə yerli "Alaxoela” komandasında keçirib. 2008-ci ildən isə o Rumıniyanın "Timişoara" klubunda çıxış edib.
Qeyd etmək lazımdır ki, Uinston Parks Azərbaycana transfer olunan ilk əcnəbi futbolçudur ki ölkəsinin milli yığmasının tərkibində dünya cempionatlarında iştirak edib. Məhz bu futbolçu 2002-ci ildə Yaponiyada və Cənubi Koreyada keçirilən Dünya çempionatında üçüncü yer qazanan Türkiyənin qapısına qol vurub (1:1). Ümumiyyətlə Uinston Parks artıq 10 ildir ki Kosta-Rika milli yığmasının üzvüdür. Son iki həftə bundan öncə bu ölkə millisinin heyyətində o, İsveçrə millisinə top vurmaqla da fərglənmişdir (1-0).
Uinston Parks evlidir, iki oğlu var.
Doğma olan ispan dilindən başqa ingilis və italyan dillərində danışır.
Mənbə: "Lankaranfc.com"
|
