Oyundan öncə yağan qar artıq dayanıb. Günəş də hərdən bir buludların arxasından  görünür, sanki o da bu maraqla gözlənilən oyunu buludların arasından izləmək "fikrindədir.”      "Şəfa”stadionun qarşısında "İnter” fan klubunun rəhbərliyi ilə görüşdə "Bosman” fan klubunun rəhbəri Mirhafiz Babayev oyundan əvvəl matçın  hakimləri haqqında yayılan xəbərlərə münasibət bildirməyin vacibliyini müzakirə edib. "İnter” fanatları da oyun zamanı "Xəzər Lənkəran”a qarşı hər hansı haqsızlıq edilərsə, bu məsələdə ədaləti müdafiə edəcəklərini bildiriblər.

"Xəzər Lənkəran” azarkeşlərinin sayı təxminən 1000-dən azdı və hazırda stadiona azarkeş axını davam edir. Bəzi xəbərlər yayılıb ki, güya hansısa telekanalla oyun canlı yayımlanacaq. Amma hazırda stadionda heç bir televiziya əməkdaşı gözə dəymir...

               Matçdan öncəki planlaşdırılan tədbir.

            Stadionun diktoru azarkeşləri salamladı. İki gənc futbolçu  Azərbaycanın bayraqıları ilə meydançaya daxil oldu. Ölkə futbolunun 100-illiyi yazılmış banner də meydançaya gətirildi.

             Diktor, bu il Azərbaycan futbolunun 100-illiyinin qeyd olunduğunu vurğuladı. Azarkeşlər alqışla qarşıladılar.

            Diktor, Azərbaycan futbolunun əfsanələrinin adlarını səsləndirdi.

            Sovetlər dönəmindən sonrakı mərhələdə ölkə futbolunun uğurları haqqında məlumatlar verildi.

            MDB kubokunu Azərbaycana ilk  olaraq "Neftçi”nin gətirdiyi  elan olunur. Bəzi azarkeşlər bu xəbəri fitlə qarşılayır. Sonra "Xəzər Lənkəran” klubunun MDB kubokunu qazandığı zaman məğlub etdiyi klubların adları da səsləndirilir.

            Ardıyca "İnter” klubunun bu ilki uğuru işıqlandırılır. "İnter” klubunun məğlub etdiyi komandaların adlarını diktor bildirdi.

            Kubok meydançaya gətirildi. Hər iki klubun azarkeşləri alqışladılar.

            Matç başladı.

            *Oyun bərabər səviyyədə keçir.  Komandalar taktiki gedişləri ortaya qoymurlar. Qarşılıqlı ötürmə səhvləri var. Uobay  Julius qapıçı ilə təkbətək çıxdı,  hakim ofsyad  qeydə aldı. Amma orada ofsayd yox idi.

            * Ardından "İnter” hücuma keçərkən top qapı xəttindən çıxdı və meydan sahibləri kornerdən topu oyuna daxil etdilər. Elvin Beqiri iki cəhddən sonra topu uzaqlaşdırdı.

            *QOOOL

8-ci dəqiqədə....17 nömrəli futbolçumuz Xristuy Kyaku  hesabı açdı...

            * Stadiona azarkeşlərin axını davam edir. Artıq "Xəzər Lənkəran" azarkeşlərinin sayı 1500-dən çoxdur.

            *"Xəzər Lənkəran”ın futbolçusu  Uinston Praks daha bir qol vura bilərdi. Amma "İnter”in müdafiəçisi topu boş qapıdan çıxardı. Hər iki komandanın futbolçuları sürətli oyuna üstünlük verirlər.

            * Rahid Əmirquliyevin səhvindən sonra meydan sahiblərinin futbolçusu qapımıza güclü zərbə vurdu. Lakin Kamran Ağayev qapını qoruya bildi.

            *QOOOL

Hücum zamanı top müdafiəçilərdən qayıtdı və əlinə düşən şansı Adrian Pits qaçırmadı. 0:2

            *Komandamız bu heyətlə meydanda mübarizə aparır:

            1. Ağayev Kamran

            3. Elvin Beqiri

            6. Simao Bruno

            10. Elnur Abdullayev.

            14. Rahid Əmirquliyev 

            16. Adrian Florin Pits

            17. Xristu Kiyaku

             27. Adrian  Skarlatake

             28. Kosmin  Fransinesku

             36.Uinston Parks

              84. Julius Uobay

           Baş məşqçi: Mirça Rednik

            *"İnter”in futbolçuları fəallaşıblar. Hücuma keçərək hesab arasındakı fərqi azaltmağa çalışırlar. Lakin müdafiəçilərimiz əzmkar oyunla rəqib hücumlarını dəf edirlər. Hələlik hakimlikdən narazılıq etmək üçün əlimizdə heç bir fakt yoxdur.

            *Komandamızda əvəzetmə:

17-nömrəli Xristu Kiyakunu, 11-nömrəli futbolçu Andrey Mureşan əvəzlədi.

            * "İnter” hücumların sayını artırır. Ardıcıl hücumlardan sonra meydan sahibləri bir neçə dəfə künc zərbəsindən qapıçımızı çətin vəziyyətdə qoymağa çalışsa da hələki hesab 0:2 bizim xeyrimizədir.

******

Qeyd edək ki, bizimlə "Şəfa”stadionundan birbaşa telefon əlaqəsi yaradaraq "Bosman” fan klubunun rəhbəri məlumat verir. Biz də Lənkəranda internet klubları gəzərək məlumatları saytda təqdim edirik. Təəsüflər olsun ki, 21-ci əsrdə yaşamağımıza rəğmən demək olar ki, hər gün eyni problemlərlə rastlaşırıq. Belə ki, "İnter” – "Xəzər Lənkəran” oyununun birinci hissəsinin sonlarında  Lənkəranın bütün internet klublarında internet şəbəkəsi itdi. Biz də məlumatları saytımnızda vaxtı-vaxtında təqdim edə bilmədik.

******

Fasilə.

            * İlk yarıda oyunun hakimlərinin heç bir qərəzli addımları qeydə alınmadı. İlk yarının sonlarında komandamızın cərimə meydançasında rəqibin futbolçusu yıxıldı. Qərəzli hakim olsaydı dərhal penalti təyin edərdi. Lakin ədalət naminə qeyd etməliyik ki, hələlik hakimlərin heç bir qərəzli qərarları olmayıb.

İkinci hissə başladı.

            *"İnter” hücumlarına davam edir. Futbolçularımız əzmkarlıqla müdafiə olunurlar.

            *Qooooll... Əks hücumda rəqibi yaxalayan futbolçularımız 3-cü qolu vururlar. Bu dəfə Uinston Parks  fərqləndi.

            *Azarkeşlərimizin sayı artıq 3000-dən çoxdur.

            *Başladı...

Hakim ona  verilən tapşırıqları  yerinə yetirməyə başladı. Qapımıza heç nədən penalti təyin olundu.

            *Qol

            *Hesab belədir: 1:3

            * Hazırda azarkeşlər hakim özabşınalığına etiraz olaraq  oturacaqları sındırıb meydana atırlar.

            *Elvin Beqirinin cərimə zərbəsindən  vurduğu top qapıdan azca aralı keçdi. Əvəzləmə : Stellian Stanku meydana daxil oldu.

            *Dmitriy Kruqlovun sol cinahdan verdiyi təhlükəli ötürməni  Kamran Ağayev çətinliklə də olsa götürdü.

            *Uinston Parks zədələndi və Rednik onu Aleks Pitsurka ilə əvəzlədi.

            *"İnter"in hücumları ara vermir. Kamran bir neçə dəfə qapımızı qoldan xilas edib.

            *Əks hücumda bizim futbolçunu yıxdılar. Buna etiraz edən "Xəzər Lənkəran”ın köməkçi məşqçilərindən birini oyunun baş hakimi meydandan qovdu.

            *Künc zərbəsindən sonra top qapıya vuruldu və Kamran Ağayev tutdu.

            *Qapımıza cərimə zərbəsi vurulur. Müdafiəçimizə dəyən top qapı xəttindən çıxdı. Künc zərbəsini Kamran maraqlı tullanışla tutdu.

            *"İnter”in hücumları davam edir. Kamranı da keçəndən sonra boş qapıya yönələn topu müdafiəçilərimiz çıxardılar.

Oyun bitdi.

            *"Xəzər Lənkəran"ın futbolçuları azarkeşlərə tərəf gələrək qarşılıqlı alqışlandılar.

Mənbə: "12cioyuncuşcom"