Artıq
bu gün "Xəzər Lənkəran” yeniləşmiş heyətini doğma arenada azarkeşlərinə və o cümlədən futbol ictimaiyyətinə təqdim edəcək həmçinin komandamız əvəzediciləri ilə
yoldaşlıq oyunu keçirəcək
Bu
həftə sonu"Neftçi”yə qarşı keçiriləcək oyuna və ümumilikdə çempionata
hazırlığını davam etidirən "Xəzər Lənkəran” fevral ayının 9-unda yoldaşlıq
oyunu keçirəcək. Komandanın rəqibi qismində "Xəzər Lənkəran”ın əvəzedici heyəti
çıxış edəcək. Azarkeşlər üçün bu görüş həm də yeni transferləri ilk dəfə doğma
arenada görmək şansı olacaq. Görüş Lənkəran şəhər Mərkəzi Stadionunda saat 16:00-da
başlanacaq. Oyuna giriş pulsuz olacaq.
Bununla bağlı
fanklubumuz "12ci oyunçu” azarkeş qrupu ilə razılıq əldə edib. Razılığa əsasən
təqdimetmə mərasimindən və əvəzedicilərlə yoxlama oyunundan "12ci oyunçu” azarkeş
qrupu vasitəsi ilə birbaşa (Onlayn) məlumatlar alaraq saytımızda yerləşdirəcəyik.
Bu mərasimi və matçı canlı izləmək
imkanında olmayan bütün "Xəzər Lənkəran” azarkeşlərini sabah saat 16:00-dan
saytımızı izləməyə dəvət edirik. ________________________________________________________ 
*15.40-"12ci oyunçu" azarkeş qrupunun rəhbəri İslam Cabbarlı Lənkəran şəhər mərkəzi stadionunun qarşısından bunları bildirir: "Bildiyiniz kimi bu gün "Xəzər Lənkəran" klubu yeniləşmiş heyətinin təqdimetmə mərasimini keçirir və daha sonra komanda öz əvəzediciləri ilə yoldaşlıq oyununa çıxacaq. Artıq biz stadionun qarşısındayıq. Bİzdən əlavə hələlik 300-400 nəfər azarkeş də mərasimin başlanmasına bir qədər qalmasına baxmayaraq, stadionun qarşısındadırlar. Elə indicə stadionun qapıları azarkeşlərin üzünə açıldı. Azarkeşlər stadiona daxil olmağa başlayıblar. *Azarkeşlər artıq J sektorunu tam doldurmuşlar. S sektoru isə dolmaq üzrədir. A sektorunda azarkeşlərin sayı sektorun tututmunun yarısını keçmək üzrədir. *İslam bəyin daha bir eksklyuziv məlumatı o oldu ki, elə bu dəqiqələrdə stadionun ərazisinə yeni futbolçu gətirən "Mercedes" markalı avtomobil daxil oldu. Gələn fubolçu 22-23 yaşlarında qaradərili və qıvrımsaçlıdır. Onun qapıçı və ya hər hansı mövqe oyunçusu olduğu hələlik bəlli deyil. Bu barədə məlumat dəqiqləşən kimi nəzərinizə çatdiracağıq. *Artıq təqdimetmə mərasimi başlayıb. Stadionun diktoru futbolçuların adlarını və forma nömrələrini bir-bir elan edir və onlar meydana çıxaraq azarkeşlərlə salamlaşırlar. Bir azdan hansı futbolçunun hansı nomrə ilə oynayacagını dəqiqləşdirib nəzərinizə çatdıracağıq. Lakin bu başdan deyə bilərik ki, stadionda elan olunan səsdən və azarkeşlərin gurultulu alqışlarından Julius Qibrila Uobayın komandamızın oyunlarında bundan sonra 84 nomrəsi altında çığacağını eşitdik. Bu da yəqin onun 1984 doğumlu olmasıyla əlaqədardır. *Azarkeşlərin stadiona axını davam edir. Artıq J, S, A sektorları dolmuş, K və İ sektorları isə dolmaqdadır. Oyun hələ başlamayıb.  *16.30- Oyun başladı. Lakin start fitindən əvvəl bütün futbolçularımız tribunalara futbol topu ataraq azarkeşlərə hədiyyələrini təqdim etdilər. *3-cü dəqiqədə Parksdan gələn baş ötürməsini Emeka Opara sol ayağı ilə yaxın küncə ünvanladı. Qapıçı acızdir. "Əsas" 1-0 "Əvəzedici" * "Xəzər Lənkəran" bu start heyəti ilə meydana çıxıb: 26- Orxan Sadıxlı (qapıda) 6- Simao Bruno 8- Konstantin Muşat 11- Andey Mureşan 15- Emeka Opara 19- İbrahima Banqura 27- Adrian Skarlatake 28- Kosmin Frasinesku 30- Katalin Doman 36- Uinston Parks 77- Stellian Stanku *14-cü dəqiqədə Simao Bruno təxminən 30 metrlik məsafədən gözəl zərbə vurdu. Lakin əvəzedicilərimizin qapıçısı Sadıq Ramazanlı çox çətinliklə də olsa topu tirin altindan çıxara bildi. Ardıyca Katalin Doman tərəfindən yerinə yetirilən künc zərbəsindən gələn topu Emeka Opara başla qapıya yönəltsə də, top qapıdan aralı keçdi. * Oyun əsasən "Xəzər Lənkəran"ın əsas heyətinin üstünlüyü ilə keçir. Bəzən isə sakit tərzdə davam edir. 25ci dəqiqədə Uinston Parks sol tərəfdən cərimə meydançasına daxil oldu və Katalin Domana ötürmə etdi. Qapıçını da adlayan ötürməni Doman boş qapıya göndərə bilməyərək, üstdən vurdu. *28ci dəqiqədə eyni tərəfdən Uinston Parks bir daha cərimə meydançasına daxil olub bu dəfə qapıya özü zərbə vurdu. Uzaq küncə gedən topu Orxan Sadıxlı barmaqlarının ucu ilə kornerə göndərdi. * Əvəzedicilər də ara-sıra hücuma keçirlər. Bu dəqiqələrdə onların belə bir cəhdi offsaytla nəticələndi. Onu da qeyd edək ki, əvəzedicilərin kapitani istedadlı oyunçumuz Kazim Kazımlıdır. * 30-cu dəqiqədə İbrahima Banqura sağ cinahdan Emeka Oparaya ötürmə etdi, Oparanın Başla vurduğu zərbə qapı tirinə dəydi. Yenə Oparanın önünə düşən topa o təkrar zərbə endirsə də, top qapıdan aralı keçdi. *40cı dəq. Nəhayət Emeka Oparanın baş zərbələrindən biri bu dəqiqə toru silkələdi. "Əsas" 2-0 "Əvəzedicilər" *42ci dəq: Opara bir daha təkbətək şans qazanır lakin şansından istifadə edə bilmir. * 44cü dəq. Katalin Doman sol cinahdan cərimə meydançasına daxil olur və topu uzaq küncə göndərmək istəsə də, Sadıq Ramazanlı topu kornerə çıxarır. Ümumiyyətlə baş məşqçimiz Mirça Rednik oyunun gedişini oturaraq sakit tərzdə izləməkdə davam edir. Köməkçi məşqçimiz Qoqliçianu isə ehtiyatda qalan futbolçuları meydanın kənarında məşq etdirməkdə davam edir. Birinci hissə bu hesabla da başa çatdı. *2ci hissəyə "Əsas" komandanın dəyişik heyətlə çıxacağı gözlənilir. *2ci hissə başladı. 2ci hissəyə "Əsas" komandamız dediyimiz kimi bir sıra dəyişikliklərlə başladı. belə ki, ilk növbədə əsas və əvəzedici komandaların qapıçılarının yerdəyişməsini göstərə bilərik. 99- Sadıq Ramazanlı (qapıda) 3- Elvin Beqiri 9- Aleks Piturça 16- Adrian Pits 17- Xristu Kiyaku 23- Şəhriyar Xəlilov 28- Kosmin Frasinesku 30- Katalin Doman 55- Tural Cəlilov 77- Stellian Stanku 84- Julius Uobay * 2ci hissə başlayar-başlamaz Kiyaku cərimə meydançasına ötürmə etdi. Piturçanın başla zərbəsi qolla nəticələndi. "Əsas" 3-0 "Əvəzedicilər" *53cu dəqiqədə Stellian Stanku qapıçı ilə təkbətək çıxsa da qol vura bilmədi. *57ci dəq: Julius Uobayın qapıya uzaqdan zərbəsi azarkeşlər tərəfindən alqışlarla qarşılandı. Daha sonra oyun zamanı Uobay özünəməxsus hərəkətləriylə bir daha azarkeşlərin alqışlarına layiq görüldü. *59cu dəq: Stelian Stanku bir daha təkbətək şansını topu qapıçıya "bağışlamaqla" əldən verdı. Uobay komanda yoldaşından ötürmə alaraq təkbətək çıxacaqdısa, bu anda 4-5 müdafiəçi əhatəsinə düşərək topu itirdi. *64cü dəq: Uobayın gözəl ötürməsini Piturça qapıya yönəltsə də, Orxan Sadıxlı qola imkan vermədi. * 68ci dəq. Alex Piturça oyun epizodunda əvəzedicilərin qapısını qoruyan Orxan Sadıxlı ilə toqquşdu. Zədələnən hər iki futbolçu yerdə qaldı. Həkimlərin müdaxiləsindən sonra ayağa qalxan hər iki futbolçumuz jest edərək oyuna davam etdilər. *70ci dəq: Pits cərimə meydançası daxilindən güclü zərbə endirdi. Top qapı tininə dəyərək aşağı istiqamət aldı və xəttin azca çöl tərəfində yerə toxundu. Geri qayıdan topa Piturçanın zəif zərbəsini Orxan Sadıxlı dəf etdı. *75ci dəq: Katalin Domanın təxminən 25-27 metrdən vurduğu güclü zərbəsini Orxan Sadıxlı qaytarmağa müvəffəq oldu. *77ci dəq: Həqiqətən də ustalıq səviyyəsi yüksək olan Uobay cərimə meydançasının xətti üzərindən sol ayağı ilə uzaq "9luğa" gözəl zərbə endirdi və qolla nəticələndi. "Əsas" 4-0 "Əvəzedicilər" *80cı dəq: Pitsin güclü zərbəsini Orxan Sadıxlı çətinliklə qaytara bildi. Ardiyca Uobayın hava ötürməsini zərərsizləşdirdi. Yenə ardıyca Uobayın güclü zərbəsini müdafiəçi qapı xəttinin üstündən çıxardı. *82ci dəq: Alex-Uobay-Kiyaku kombinasiyasını sonuncu, qapıya yönəltsə də top qapı tirindən döndü. Ardınca yaşanan qarışıqlıqda Aleks yüngül və texnikalı atışla topu qapıya göndərsə də, müdafiəçilərdən birinə toxunan top bayıra çıxdı. *84:cü dəq: Uobay bu dəfə yaxın "9luğa" dəqiq zərbə endirdi və top toru silkələdi. "Əsas" 5-0 "Əvəzedicilər" * Oyunun sonlarına yaxın elə də ciddi məqamlar olmadı. 2ci hissəyə çıxan heyət daha güclü təsir bağışladı. Bəlkə də bu Uobayın xüsusi oyun tərzi ilə əlaqədar idi. Çünki əksər hücumları Uobay ya başlayır, ya da hücümların sona çatdirilması ilə yadda qalırdı. * Hakimlərə gəldikdə isə, oyunu yerli hakmlər briqadası idarə edirdi ki, onlara aşağı yaş qruplarında çalışan Mircəlal Əliyev başçılıq edirdi. * Sonda İslam Cabbarlıdan aldığımız məlumata görə oyunu və təqdimetmə mərasimini izləyən azarkeşlərin sayı 6000-dən bir qədər artıq olub. Komandamıza rəsmi oyunlarda da qələbələr arzulayırıq.
| 
