Bilirsiniz ki, "Bosman” fanklubu xüsusi özəllikləri və ölkə futbolunda yeniliklər sayılan bir çox layihələrin həyata keçirilməsi ilə fərqlənir. Bunları sadalamaqla vaxtınızı almaq niyyətində deyilik. Yalnız bunlardan biri kimi "Bosman” fanklubunun, digər klub fanatları və azarkeşləri ilə xüsusi üslubda yaratdığı dostluq əlaqələrini misal göstərə bilərik. Müxtəlif məqamlarda, müxtəlif tədbirlər həyata keçirərək "Bosman” fanklubu bir çox baş verə biləcək xoşagəlməzliklərin qarşısını almağa yönəlik əməli və effektiv nəticələrə nail olmuşdur. Prinsiplərinin və hərəkət xəttinin saxlanılması yönündə bu gün də fəaliyyətini bacarıqla davam etdirməkdən yorulmayan fanklubumuz bu mənada daha bir xəbəri nəzərinizə çatdırmaq istəyir.

            Belə ki, dünən və bu gün dost "Simurq” azarkeşləri (formalaşmaqda olan fanklub nümayəndələri) olan Maqsud və Habil bəy fanklubumuzun rəhbərinə zəng edərək, bugünki "Bakı” ilə ev oyunumuzda demək olar ki, bütün "Simurq”sevərlərin adından, bu çətin oyunöncəsi "Xəzər Lənkəran”a dəstək olacaqlarını bildirmişlər. Eyni zamanda bu dəstək xəbərinin bizim vasitəmizlə bütün "Xəzər Lənkəran” azarkeşlərinə çatdırılmasını istəmişlər. Komandamızın bugünki durumuna görə açıq-aşkar narahatlıqlarını bildirən "Simurq” azarkeşləri həmçinin bu oyunda 90 dəqiqə ərzində bütün zaqatalalı azarkeşlərin ürəyi "Xəzər Lənkəran”lılarla bir vuracaq kəlməısini də işlətməyi lazım bilmişlər.

            Daha sonra hər iki fanat nümayəndələıri növbəti turda "Simurq” – "Xəzər Lənkəran” oyununa "Xəzər Lənkəran” azarkeşlərinin böyük bir hissəsini Zaqatalaya qonaq olaraq dəvət etdiklərini bildirmiş və bunu da xüsusi olaraq çatdırmağımızı bizdən xahiş etmişlər. "Dekabrın 10-da bütün qonaqpərvərliyimizlə sizi Zaqatalada qəbul etməkdən məmnun olarıq. Bununla hər iki komandanın sadiq fanatları olduğundan matçın daha çox azarkeş dəstəyi altında, daha maraqlı keçəcəyi düşüncəsindəyik və hər iki klub buna layiqdir”-demişlər.

            Eyni zamanda fanklubumuzun rəhbəri belə böyük dəstəyə görə "Simurq” azarkeşlərinə minnətdarlığını bildirmiş və dəvətə görə isə təşəkkür etmişdir. Bu xəbərin isə oyunöncəsi azarkeşlərimizə və eyni zamanda komandamıza böyük motivasiya olacağından xəbərin dərhal çatdırılmasına söz vermişdir.

            Biz də fanklub adından bütün "Simurq” azarkeşlərinə təşəkkür edir, "Simuq” klubuna da uğurlar arzu edirik. Dostluq dəyərlərinə diqqətlə yanaşdıqları üçün, çoxsağolun deyirik!