Bir neçə gün əvvəl Romulo Silvanoya və FİFA-ya "Bosman” fanklubu tərəfindən müraciət olunmuşdu. Müraciətimizə, keçmiş futbolçumuzla "Xəzər Lənkəran” arasında maddi problemin olması, onun borc və komandanın hesabından 6 xal silinməsi tələbi səbəb olmuşdu. Futbolçunun ünvanının öyrənilməsi müəyyən səbəblərdən yubansa da nəhayət azarkeşlərimizdən biri tərəfindən bizə çatdırıldı. Həmin azarkeşimizə çox sağ ol deyərək sözümüzə davam edirik. Belə ki, R. Silvanonun e-mail ünvanını öyrənən kimi dərhal hazırlanmış və FİFA-ya da göndərilmiş olan müraciətin mətninin ingilis dilində olan variantı səbəbkara da göndərildi. Bu gün axşam saatlarında Romulo Silvanodan qısa bir cavab gəldi. Göndərdiyi cavabda "Xəzər Lənkəran”dakı günlərini xoşbəxt günlər hesab edən Silvano, həmçinin azarkeşlərimizi də unutmadığını dilə gətirib. Aşağıda onun göndərdiyi mətni və tərcüməsini də sizlərə təqdim edirik.

Onu da bildirək ki, FİFA-ya göndərilmiş müraciətə isə hələ ki, cavab yoxdur. Belə bir cavab gələcəyi təqdirdə onu da dərhal sizlərin diqqətinə saytımız vasitəsi ilə çatdıracağıq.

Greeting to Azerbaijan! I dont want to speak with you about the last events. Khazar Lankaran fans will always be in my mind. I was very happy while I was playing in Azerbaijan for Khazar Lankaran. Up to this day I have contacts with your fans. Take care.

 Mon, Apr 16, 2012 at 4:43 PM

 Azərbaycana salamlar! Mən sizinlə son baş verənlər haqda danışmaq istəməzdim. "Xəzər Lənkəran" azarkeşləri həmişə mənim yaddaşımda qalacaq. Mən, Azərbaycanda "Xəzər Lənkəran" üçün oynayarkən çox xoşbəxt idim. İndiyə kimi sizin azarkeşlərlə əlaqələrim var. Özünüzdən muğayat olun.