4-cü tur öz xüsusiyyətləri ilə seçilirdi. Belə ki, 3 turdan sonra zirvəni 4 komanda 7-xalla bölüşürdü ki, bu 4-cü turda həmin bu 7-xallılar üz-üzə gələcəkdi. Belə ki, 4-cü turun ilk oyun günündə "İnter”-"Neftçi” qarşılaşması "Neftçi”nin 0:2 hesablı qələbəsi ilə bitmişdi və "Neftçi” artıq 10 xala sahib çıxaraq "İnter”i 3 xal geridə buraxmışdı. Qalırdı, "AZAL” – "Xəzər lənkəran” matçının nəticəsi hansı ki, dediyimiz kimi bu komandalar da bu oyuna qədər hərəyə 7 xal toplamışdı.

      Əgər bu matç heç-heçə nəticələnsə idi, onda əzəli rəqibimiz olan "neftçi” bizdən 2 xal öndə olacaqdı. Məğlubiyyəti isə ağlımıza belə gətirmirdik. Qələbə qazanacağımız təqdirdə isə komandamız da 10 xal toplayacaq, "İnter” və "AZAL”ı 3 xal geridə buraxacaq, "Neftçi”yə isə tək liderlik şansı verməyəcəkdi, vermədi də.

      "AZAL” dünənki oyunda gözləniləndən daha gözəl oyun nümayiş etdirdi. Bəlkə də bu "Xəzər Lənkəran”ın asan qələbə qazanacağını gözlədiyimiz üçün belə təsir bağışladı. Amma xeyir, "AZAL” bundan əvvəlki 3 turun heç birində məğlubiyyət acısı dadmamışdı. Həm də elə ilk turda rəqib meydanında "Bakı” ilə görüşdə öz iddiasını ortaya qoymuş, "Bakı”nın qapısından 3 top keçirmiş, 3:0 irəlidə olmasına baxmayaraq, sonra 2 top buraxsa da qələbəni əldən verməmişdi. Bununla, adlı-sanlı məşqçiyə və dunyada az-çox tanınmış hayküylü transferlərlə güclənmiş "Bakı” klubu üzərindəki qələbəyə görə "AZAL” bundan sonra da çempionat ərzində nələr edə biləcəyinə sanki bir işarə vermişdi. Bir də ki, Azərbaycan futbolunun tanınmış ismi, həmçinin 2004-cü ildə "Xəzər Lənkəran”ın bərpa ilində komandamızın ilk baş məşqçisi olmuş və işlədiyi müddətdə gözəl komanda formalaşdıraraq, yaddaqalan nəticələrə imza atmış Nazim Süleymanovun indi bu komandanın başında olması da yaxşı mənada çox şeylərdən xəbər verirdi. Çox şükürlər olsun ki, səfərdə, süni ot örtüyündə oynamasına baxmayaraq, "Xəzər Lənkəran” bu səddi də uğurla aşa bildi.

      Matça gəlincə, yenə "Xəzər Lənkəran”ın sadiq azarkeşləri komandalarını tək buraxmamışdı. Hətta qonaq qismində olmasına baxmayaraq, ən azı yerli azarkeşləri 10-15 dəfə üstələmişdi və son dəqiqəyə qədər komandalarının qələbəsinə inanaraq, özlərinə məxsus çılğınlıqla 90-dəqiqə ərzində inanılmaz dəstək nümayiş etdirdilər. Gərgin keçən bu matçın 90+3 cü dəqiqəsində Elvin Beqirinin vurduğu qolla rəqibi 0:1 hesabı ilə üstələyən komandamızın, oyunun bitimindən sonra əl-ələ verib, azarkeşlərlə üz-üzə dayanaraq bir neçə dəqiqə qələbə sevincini bölüşmələrinn möhtəşəm görüntülərini isə canlı olaraq izləməyə dəyərdi.

      4-4-2 sxemi ilə oyuna çıxan "Xəzər Lənkəran” komandası kiçik halları çıxmaq şərti ilə həm müdafiədə, həm də sağ və sol cinahları nəzərə almaqla orta sahədə inamlı oyunu ilə yadda qaldı. Lakin hücum xəttinin hələ "Xəzər Lənkəran”a layiq olan səviyyədə oyun göstərə bilməməsi bir az üzücü oldu. Düzdür yeni transferlərin hələ az oyun keçirməsi baxımından tam uyğunlaşa bilməməsini də nəzərə almaq lazımdır. Xüsusən, hücumda oynayan Kosta Rikalı Vinston Parksın ölkəmizə cəmi bir neçə gündür gəldiyini və ilk dəfə start heyətində meydana çıxdığını nəzərə alsaq bütün bu çatışmazlıqların da zaman-zaman aradan qalxacağını söyləmək olar. Amma 3-cü turun evdə "İnter”lə qarşılaşması zamanı komandamızın heyətində ilk dəfə olaraq matçın son 20 dəqiqəsində debüt edən Vinston Parksın rəqibləri ani hərəkətlə aldadaraq, onlardan sürətlə aralanması və qapıya doğru şığıması, bizim ona "QARA ŞİMŞƏK” ləqəbi verməyimizə səbəb oldu. İnanırıq ki, bundan sonrakı matçlarda bizim "QARA ŞİMŞƏK” rəqib qapılarının torlarını öz vurduğu qollarla yandırıb kül edəcək.

      Bütün "Xəzər Lənkəran” ailəsinə daim uğurlar və çempionluq sevinci arzulayırıq.

P.S. Sonda rəqiblərimizə, ehtiyatlı olmağı, bir də zəiflərə qalib gəlməkdə bizləri suçlayan bəzi yazarları, keçən dəfə yazdığımız şerə bir kuplet də əlavə etməklə diqqətli olmalarını lazım bilirik:

               "AZAL”-ı da belə udduq,

               Qələbəni yenə daddıq.

               Görəsən, səni toxdatdıq?

               Al bu sənə, Cənab Erkin,..

Cənab Erkin, fikirlərin niyə çirkin?!