Cümə, 29/Mar/2024, 16:53
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Sentyabr 2010  »
BazarB.eÇ.aÇ.C.a.CŞə
   1234
567891011
12131415161718
19202122232425
2627282930

Qiymətləndir
Saytımız Necədir?
Cəmi Qiymət: 552

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2010 » Sentyabr » 13 » Mirhafiz Babayev: “ “İnter “ və “Xəzər Lənkəran” azarkeşlərinin dostluğu müəyyən tarixə malikdir"
11:21
Mirhafiz Babayev: “ “İnter “ və “Xəzər Lənkəran” azarkeşlərinin dostluğu müəyyən tarixə malikdir"


Mirhafiz Babayev:   " "İnter " və "Xəzər Lənkəran” azarkeşlərinin                                       dostluğu müəyyən tarixə malikdir"                 

 

 

          Bu həftə "Avropa.az” internet radiosunun "Futbol Taym” verilişinin qonağı "Bosman” fanklubunun rəhbəri Mirhafiz Babayev idi. Onunla bir saat ərzində "Xəzər Lənkəran” komandası və rəhbərlik etdiyi fanklub barədə maraqlı söhbət etdik. Söhbət "Avropa.az” internet radiosunda canlı yayınlandığından, bu geniş müsahibəni ixtisarla nəzərinizə çatdırırıq.

 

         - Mirhafiz müəllim, "Futbol Taym” verilişinə xoş gəlmisiniz!

 

         - Çox sağ olun, mən də öz növbəmdə sizləri salamlayıram. Bu veriliş müqəddəs Ramazan bayramına təsadüf etdiyi üçün bütün veriliş iştirakçılarını, radio dinləyicilərini və Azərbaycan xalqını bayram münasibəti ilə təbrik edirəm. Bundan əlavə bildirmək istəyirəm ki, bu "Futbol Taym” efirdə ikinci verilişidir və fanklub rəhbərləri arasında ilk dəvəti mən almışam. Mənə göstərilən etimadı çox yüksək dəyərləndirirəm. Eyni zamanda bu etimad "Xəzər Lənkəran” komandasının azərkeşlərinə göstərilən etimaddır. Mənə göstərdiyiniz etimada görə sizə təşəkkür edirəm. Bu verilişə mən əliboş gəlməmişəm və gətirdiyim hədiyyə "Xəzər Lənkəran” və "İnter” komandasının azərkeşləri arasında dostluq münasibətlərinin olmasını əks etdirir. Hədiyyəm bir divar saatıdır. Lakin onun üzərində özündən dəyərli sözlər həkk olunub: - "Hər ötən dəqiqə "İnter” və "Xəzər Lənkəran” azarkeşlərinin dostluğunu daha da möhkəmlədir”. Mən arzu edərdim ki, bu verilişə dəvət alan hər qonaq bir hədiyyə ilə studiyaya gəlsin və "Avropa.az” internet radiosunun muzeyi yaransın.

 

          - "Bosman”fanklubunun yaranma tarixi barədə məlumat verərdiniz...

 

        - "Xəzər Lənkəran” futbol klubunun azarkeşləri say və keyfiyyət baxımından öndə gedənlərdən birincisidir. ”Bosman” fanklubu 2009-cu ilin Fevral ayının 9-da təsis olunub. ”Bosman” fanklubu yaranmamışdan öncə fanklubun təsisiçiləri fərdi şəkildə "Xəzər Lənkəran” komandasının ev və səfər oyunlarını izləyirdilər. Bir müddət belə davam edəndən sonra biz bir araya gəlib fəaliyyətimizi genişləndirmək üçün fanklub təsis etməyə qərar verdik. ”Bosman” fanklubunun fəaliyyəti rəngarəngdir. Bu fəaliyyət oyunöncəsi, oyun zamanı və oyundan sonrakı dövrləri əhatə edir.

 

          - Hamıya məlumdur ki, ”İnter” və "Xəzər Lənkəran” komandalarının azarkeşləri arasında dostluq münasibətləri mövcuddur. Digər hansı fanklubla dostluq münasibətləriniz var?

 

          - "İnter” və "Xəzər Lənkəran” komandalarının azarkeşləri arasında olan dostluq münasibətləri çox yüksək səviyyədədir. Bu münasibət müəyyən tarixə malik olan bir dostluqdur. Bizim qapılarımız hamının üzünə açıqdır.

 

          - Fanklubunuzun sıralarını genişləndirmək üçün hansı reklam təbliğatından istifadə edirsiniz?

 

         - Hələki reklam təbliğatı aparmırıq, lakin bu iş gələcək planlarımıza daxildir.

 

         -  "Xəzər Lənkəran” komandasının heyətindən "Bosman” fanklubunun ən sevimli oyunçusu hansıdır?

 

          - Bizim fanklubun ən sevimli oyunçuları Kamran Ağayev və Uinston Parksdır. Biz hətta Uinston Parksa "Qara Şimşək” ləqəbi qoymuşuq və ümid edirik ki, Parks bundan sonra da rəqibdən şimşək kimi sıyrılaraq, vurduğu qollarla rəqib qapılarının torunu yandıracaq və bu adı doğruldacaq.

 

         - Ağasəlim Miracavadovlu və Mirça Rednikli  "Xəzər Lənkəran”. Sizin fikrinizcə, hansı komanda daha baxımlı və gözəl fitbol sərgiləyir?

 

          - "Xəzər Lənkəran” komandası Ağasəlim Mircavadovun yaratdığı oyun üslubu ilə sevilib. Onun bu komanda üçün etdikləri danılmazdır. Hələ ki, ”Xəzər Lənkəran” məhz Ağasəlim Miracavadovun rəhbərliyi altında titullarını qazanıb. Ağasəlim Mircavadovun komandamız üçün etdiklərini azarkeşlər unutmayıb və hər zaman dəyərləndirirlər. Ağasəlim Mircavadov sovet futbolunun taktiki gedişlərinə üstünlük verirdisə, Mirça Rednik Avropa futboluna üstünlük verir. Komandamızın oyununda irəliləyiş hiss olunur və mən düşünürəm ki, birinci dövrənin sonunda "Xəzər Lənkəran” qarşısıalınmaz komanda olacaq.

 

         - Mirhafiz müəllim, bir balaca keçmişə nəzər salaq. Keçən mövsüm və "Xəzər Lənkəran” - "Neftçi” komandaları arasında "Fırtınalar Meydanında”keçirilən qarşılaşma. Həmin oyunda Azərbaycan futbolunda görünməyən olaylar yaşandı. Bu qarşılaşmada azarkeşlərin intizamsızlığına nə səbəb olmuşdu?

 

         - Keçən mövsüm "Xəzər Lənkəran” - "Neftçi” komandalarının arasında keçirilən qarşılaşmanın baş hakimi Əfqan Həmzəyevin absurd qəraraları və bərbad idarəçiliyi belə xoşagəlməz olayların yaşanmasına gətirib çıxardı. Elə bu idarəçiliyə görə onun və bir çox futbol idarəçiliyimizdə olan şəxslərin AFFA prezidenti tərəfindən cəzalandırılması baş verdi. Burada "Xəzər Lənkəran” azarkeşləri sanki, baş hakim Əfqan Həmzəyev tərəfindən təxribata çəkildiyindən onların cəzalanması baş vermədi. AFFA-nın bu qərarı o vaxt bizim tərəfimizdən müsbət qarşılandı.

 

         - Bu ayın 25-də "Xəzər Lənkəran” komandası "Neftçi”ni qəbul edəcək. Bu oyuna hazırlıq necə gedir?

 

         - Mən hazırlığımızı tam formada açıqlamayacağam. Lakin bir şeyi nəzərinizə çatdırmaq istəyirəm ki, bu qarşılaşmaya bir sürprizimiz nəzərdə tutulub. Musiqisi Cənub bölğəsinin məşhur  "Ay Lolo”  mahnısınnın sözlərini "Xəzər Lənkəran”a aid etməklə bir mahnı hazırlamışıq. Bu mahnının sözləri şəxsən mənə məxsusdur. Mahnının sözlərini 15.000 nüsxə kağız üzərinə yazıb bütün stadiona hər azarkeşə çatacaq sayda paylayacağıq və istəyirik ki, bu mahnını oyunboyu bütün stadion mütəşşəkkil formada oxusun. Bu mahnı hamıya tanış olduğu üçün oxunma effektinin yaxşı alınacağını düşünürük.

 

         - "Xəzər Lənkəran” və "Neftçi” azarkeşləri arasında bu günə qədər bir gərginlik var və hətta bu gərginliyin nəticəsində insidentlər də yaranır. Sizin fikrinizcə hansı işlər görmək olar ki, bu gərginlik aradan qaldırılsın və iki komandanın azarkeşləri arasında dostluq münasibəti yaradılsın?

 

         - Mən bir az bundan öncə qeyd etmişdim ki, bizim qapımız hamının üzünə açıqdır. Ara-sıra bizim "Neftçi” fanklubunun rəhbərləri ilə görüşlərimiz olub və mənə elə gəlir ki, bu insidentlər iki fanklub arasında yox, sadə azarkeşlər arasında baş veirir.

 

         - "Avropa.az” internet radiosunun rəhbərliyi "Xəzər Lənkəran” və "Neftçi” azarkeşlərinin dostluq münasibətləri qurulması” adlı bir layihə hazırlayıb, məclis keçirərsə siz bu məclisin iştrakçısı olmağa razısınızmı?

 

       - Belə bir layihənin təşkil olunması çox gözəl bir addım olardı və mən bu layihənin ərsəyə gətirilməsində sizə uğurlar arzulayıram.

 

         - Daha bir qalmaqallı oyun. Azərbaycan Kubokunun finalı, ”Bakı” - "Xəzər Lənkəran” qarşılaşması. ”Bakı” komandası "Fayr Play” qaydalarına əməl etməyib qol vurur və Kuboku başı üzərinə qaldırır. Bundan sonra "Bakı” komandası Avroliqada fiaskoya uğrayır və bu günə qədər hələ də bu qara zolaqdan çıxa bilmir. Buna münasibət bildirərdiniz...

 

         - Azərbaycan Kubokunun final oyununda "Xəzər Lənkəran” haqsızlıqla üzləşdi. ”Bakı” komandası halal olmayan kuboku başı üzərinə qaldırır və bundan sonra "Bakı” komandasının qarşılaşdığı uğursuzluqlar haqsızlığın cavabıdır.

 

         - Azərbaycanda dəfələrlə şahid olmuşuq ki,oyunun sonuna 10-15 dəqiqə qalmış azarkeşlər stadionu tərk edir. Bunu nə ilə əlaqələndirərdiniz?

 

         - Bu stadionda gedən qarşılaşmanın nə dərəcədə maraqlı olmasından asılı olan bir amildir. Maraqlı keçən qarşılaşmaya azarkeş sona qədər baxır və stadionu tərk eləmir. Mən arzu edirəm ki, Azərbaycanda maraqlı oyunlar şox olsun və azarkeşlər sevimli komandalarını sona qədər dəstəkləsinlər.

Views: 915 | Added by: BOSSMAN | Dərəcələndirmə: 0.0/0
Cəmi Şərhlər: 2
0  
2 BOSSMAN   (15/Sent/2010 08:40) [Daxil Olunan]
Ramin bəy, yazının əvvəlində göstərildiyi kimi mənim müsahibəm ixtisarla dərc olunub. Sizin dediyiniz kimi, mən bu məsələyə çox geniş toxunmuşam. Həm də bu tək "Xəzər Lənkəran" azarkeşlərinə deyil, əsasən digər klubların və millinin oyunlarına aid sual idi. Mən bütün bunları canlı yayında qeyd etmişdim. Hətta evdə xəstəsini qoyub doğma "Xəzər lənkəran"ının oyununa birbaşa stadiondan baxıb, onu dəstəkləməyə gələnlər də az deyil. Bütün bunlara toxunmuşam və belə azarkeş əlbəttə xəstəsinin yanına tələsir. Onları qınamaq olmaz əlbəttə. Lakin bəzi halları çıxmaq şərti ilə. Onlar da əsasən bizlərə aid deyil.
"Xəzər Lənkəran" azarkeşi 1 nömrədir və eyni zamanda bir nümunədir. Bura həm Fanklub həm də Fanklublara daxil olmayan azarkeşlər aiddir.

0  
1 Ramin   (15/Sent/2010 03:44) [Daxil Olunan]
xezerin azerkewleri qalir sadece olaraquzaq yerden gelenler hansisa rayondan gelenler 1015deq yox 85ci deqiqede onlar qalxirlar ve cixiw terfde qalib awaqda oyunu izleyirler ve ve buda xezer lenkeran azerkwlwrin coxlugundan qabaga gelir eger 15 min azerkew oyun bitdikden sorna qalxsalar bu boyuk sixiliga gelib cixardir ve buda uzaqdan gelenler ucun vaxt ser olunur ve avtubuslarda yer tuta bilmemesei yada taksilerin olmamsi onagore 5 deq qlamiwqalxirlaryerlerini tuturlar uzaqdan gelenelr.

Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2024Website builderuCoz