Bu gün fan klubumuzun yaradıcılarından və bu günə kimi rəhbəri olan Mirhafiz Babayev 46-cı doğum gününü qeyd edir. Mirhafiz bəy ilk günlərdən fan klubumuzun  müstəqil fəaliyyətinin qarantı kimi çıxış edərək həyata keçirdiyimiz bütün layihələrin iştirakçısı olmuşdur. Fan klub daxilində yaratdığı demokratik şəraitlə o, fikir azadlığına verdiyi qiyməti ortaya qoymuşsa, fan klub olaraq "Bosman”ın verdiyi qəraraların qəbul olunmasında da konkret mövqeni göstərməsi ilə də əsl liderlik xüsusiyyətlərini nümayiş etdirə bilmişdir. "Xəzər Lənkəran” camiəsinə qarşı kənardan, xüsusən də mətbuat tərəfindən  hücumlar olduğu təqdirdə qəti fikirlərlə çıxış edən Mirhafiz Babayev daim "Bosman” fan klubunun "Xəzər Lənkəran” sevgisini, həmçinin ədalət sevərliyini göstərmişdir. "Xəzər Lənkəran” klubu ətrafında baş verən hadisələrdə "Bosman” fan klubunun böyük azarkeş kütləsinin yanında olmasında da fan klub rəhbərinin rolu böyükdür.

"Bosman” fan klubunun üzvləri olaraq biz də fan klubumuzun rəhbəri Mirhafiz Babayevi 46-yaşının tamam olması münasibəti ilə təbrik edir, ona can sağlığı uzun ömür arzulayırıq.