"12cioyuncu.info” saytının əməkdaşları son zamanlar komandamızın baş məşqçisi Mirça Rednikə bəzi qüvvələr tərəfindən ağlagəlməz ittihamlar irəli sürmələri ilə bağlı baş məşqçimizdən müsahibə götürmüşlər. Düzü müsahibəni oxuduqda onun nə qədər mədəni və sivil bir insan olduğu aydın görünür. Biz də hesab edirik ki, belə ittihamlarla çıxış edənlər yalnız kimi isə şərləməklə özlərini biabır etmiş olurlar. Belə şərləmələrə Azərbaycan xalqı həmişə çox pis münasibətdə olub və belələrini xalqımıza yad ünsürlər kimi tanıyıb.

                   Məşqdən sonra qısa müsahibə

"Xəzər Lənkəran”ın bu gün keçirilən məşqi başlayarkən komandanın baş məşqçisi Mirça Rednikin qayğılı görünməsi diqqətimzi çəkmişdi. Məşqdən sonra Rednikə yaxınlaşıb bir neçə sual verdik və dərhal məşqdən əvvəl kefsiz olmasının səbəbini anladıq…

Cənab Rednik, mətbuatda sizin "Bakı” ilə oyundan sonra dediklərinizdən yazırlar. Doğrudanmı siz Azərbaycan xalqı haqqında nəsə demisiniz?

Mən?  Mən Azərbaycan xalqı haqqında nəsə demək istəsəm, yalnız xoş sözlər deyə bilərəm.

Sizcə bəs bu ittiham nədən yaranıb?

Əvvəlcə onu deyim ki, hansısa xalq, millət və etnik qruplar haqqında pis fikirləri yalnız normal olmayan insanlar, ruhi xəstələr deyə bilərlər. Mən əsilli, köklü nəslin nümayəndəsiyəm. Mədəni ailədə böyümüşəm və elitar tərbiyyə görmüşəm. Mən tərbiyyəli olduğum qədər də savadlıyam.

Bəs həmin anda siz nəsə demisiniz?

Mən nə deyə bilərdim axı. Mənim problemim xalqla, cəmiyyətlə deyil ki, mənim problemim hakimlərlədir. Mən hakim haqsızlığını  hiss etdiyim zaman yalnız hakimə etiraz edirəm. Bilmirəm, bəlkə belə avropasayağı etiraz bu hakimlərə  yaddır? Mən hansısa hakimə yaxınlaşıb:-"Siz haqsızlıq etdiniz, bu futbolun inkişafına xələl gətirir cənab hakim. Siz düşünün, verdiyiniz qərarların ağırlığını dərk edirsinizmi?”- deyə etiraz edərkən bəlkə bunu hədə qorxu kimi anlayırlarsa, daha nə deyim ki…

Sizə elə gəlmir ki, sizi zərərsizləşdirməklə "Xəzər Lənkəran”a zərbə vurmağa çalışırlar?

Düzü bura gələnə qədər bilmirdim ki, "Xəzər Lənkəran”ı  bu qədər sevən var, yəni azarkeşləri nəzərdə tuturam. Heç bu qədər düşməni olduğunu da bilmirdim, yəni hakimləri. Mən "Neftçi” ilə oyundan sonra (Papaq məsələsi) qarşılaşdığım haqsızlığa görə Haaqa məhkəməsinə müraciət etmədim ki, Azərbaycan futbolu üçün yaxşı hal deyil. Amma məni belə ittihamla suçlamağı bağışlamaram. O zaman, yəqin məni azarkeşlər də anlayar. Mən vəkil tutub həmin qüvvələri dünyada rüsvay edərəm. Onlar bəlkə dünya futbolundan və hüquq normalarından xəbərsizdirlər…

Bildiyiniz kimi azarkeşlər sizi çox sevirlər, bəlkə  bu onları qıcıqlandırır…

Sevgini qazanmaq üçün ədalətli olmaq lazımdır, bunu hakimlər nəzərə almalıdırlar…

Ölkənizdə ən çox azarkeş mənim komandama dəstək olur. Bu insanlar xalqın bir hissəsidir. Deməli xalqın bir  hissəsi məni sevir, mən də onları. Hakimlər isə  məni şərləməklə özlərini  təhqir edirlər…