Dünən kubokun
final matçı öncəsi mətbuat konfransında siz, cənab Mirça Rednik bu oyunla və
ümumiyyətlə mövsümlə bağlı fikirlərinizi söyləmisiniz. Mövsümü dəyərləndirərək,
bura gələrkən çempionluq sözü verdiyinizi bir daha xatırladaraq, buna nail ola
bilmədiyinizdən danışmısınız. Kubok haqqında fikirlərinizi isə bildirərkən,
burada da üğür qazana bilməsəniz, gedə biləcəyinizi istisna etməmisiniz.
Biz "Bosman”
fanklubu olaraq sizə hər şeyin göz önündə olduğunu demək istəyirik. Çempion ola
bilməmənin obyektiv və subyektiv səbəblərinin olduğunu çox gözəl dərk edirik və
demək istəyirik ki, bir məşqçinin edə biləcəyindən daha artığını etmiş olan siz
"Xəzər Lənkəran”ı bu səbəblərə görə tərk edə bilməzsiniz. Çünki sizin bir baş məşqçi
kimi "Xəzər Lənkəran”a gətirdiyiniz yeni, Avropa tipli oyun tərziniz və komanda
ruhu, bir komanda üçün görülə biləcək ən yüksək iş nümunəsidir. Bir daha
çempionluq uğrunda müxtəlif səbəblərin olduğunu nəzərinizə çatdıraraq bu yolda
maksimum işlədiyinizi bildiririk. Biz sizdən ilk ildəcə çempionluq yox, daha
güclü və Avropa tipli bir komanda qurmağı istəyirdik ki, buna da böyük ölçüdə
nail olduğunuzu deyə bilərik.
Kubokun əldə
olunması çox yaxşı olardı. Lakin bu baş verməsə belə heç bir biabırçılıqdan
söhbət gedə bilməz. Sizin daha yaxşı bildiyiniz futbolda hər hansı bir nəticənin
ola biləcəyi mümkündür deyə biz bunu normal qarşılayırıq. Təki siz "Xəzər Lənkəran”la
davam edin və Avropada uğur qazanın. Sizə olan inamımız sonsuzdur. Bunu siz
komandaya ilk gəldiyiniz gündən bu yana gördüyünüz işlərlə sübut edə
bilmisiniz. Bildiyiniz kimi "Xəzər Lənkəran” azarkeşləri ölkədə 1 nömrədir. Bu
azarkeşlərə verdiyiniz önəm isə gördüyünüz işlərlə bərabər, sizi onların
sevimlisinə çevirmişdir. Belə olan halda sevimli "Xəzər Lənkəran”, 1 nömrəli
azarkeşlər və onların sevimlisi olan istedadlı, əməksevər, iddialı və təcrübəli
baş məşqçi Mirça Rednik bizi necə tərk edə bilər? Bu böyük "Xəzər Lənkəran” ailəsi
birlikdə daha böyük uğurlar qazanacaq!
Biz nə ser Aleksi, nə
Mourinyonu, nə Araqonesi, nə Raykaardı nə də Qvardiolanı istəmirik. Biz Mirça
Redniklə davam etmək istəyirik. Sizin böyük mədəniyyət sahibi kimi verdiyiniz,
lakin qazana bilmədiyiniz çempionluq sözünə görə komandamızı tərk etmək istəməyiniz
isə biz tərəfdən anlaşıqlı qarşılanır. Bir daha biz sizi onminlərin könüllərinin
çempionu hesab edirik və sizinlə davam deyirik.
Hörmətlə: "Bosman”
fanklubu 24 may
2011.
|