Bu gün "Bosman” fanklubu olaraq "Xəzər Lənkəran”ın XIV turda "Simurq”la matça hazırlaşdığı Bakı şəhərində ""köhnə "Neftçi”baza””da keçirdiyi məşqdə iştirak etdik. Yəqin "Simurq”un ev oyunlarını keçirdiyi meydan süni örtüklü olduğundan məhz hazırlıq üçün bu məkan seçilmişdi. Onu da qeyd edək ki, bu gün məşq göstərilən məkanda saat 16:00-da başladı. Fanklub olaraq məşqdə iştirakımızın bir neçə səbəbi var idi. Bu məqsədlə baş məşqçi Mirça Rednik başda olmaqla komandanın bir neçə üzvü ilə də görüşdük. Yalnız onun icazəsindən sonra məşq prosesindən foto və video çəkilişlər apardıq həmçinin bəzi suallarımız oldu. Baş məşqçiyə isə ünvanladığımız suallarla və onun cavabları ilə növbəti yazıda tanış ola biləcəksiniz. Həmçinin çəkdiyimiz foto və videoları saytımızda təqdim edəcəyik. Bununla da komanda ətrafında yaranan söz-söhbətlərin nə qədər şayiə olduğu ortaya çıxacaq. Komanda demək olar tam heyətlə məşq edir və bəzi söz-söhbətlərə görə heç kim komandadan nə qovulmayıb, nə də uzaqlaşdırılmayıb. Onu da bildirək ki, komanda sabah səhər məşqinə də Bakıda çıxacaq və böyük ehtimalla sabah gün ortası Zaqatalaya yola düşəcək. Saytımızı izləyin.