Antalyada təlim-məşq toplanışında olan "Xəzər lənkəran” yanvar ayının son günü vətənə dönəcək. Burada bir çox yeni futbolçuları baxışdan keçirən və bir çoxlarını komandaya qəbul etməyə hazırlaşan komandamız təlim-məşq toplanışı çərçivəsində 6 oyun keçirdi. Dünən son sparrinq, Odessanın "Çernomorets” klubuna 2:3 hesabı ilə məğlub olan komandamızın bir çox mövqeləri məşqçilər korpusunu qane etsə də, hücum xəttində olan çatmamazlıq bu sarıdan qaneedici deyil. Buna görə də yoxlama oyunlarında "Xəzər Lənkəran” heç də pis təsir bağışlamasa da yaratdığı qol epizodlarından istifadə edə bilməməklə bu görüşlərin 4-də məğlub olub. Məhz bu çatmamazlığı aradan qaldırmaq üçün klub rəhbərliyindən aldığı dəstəklə məşqçilər korpusu ciddi olaraq hərəkətə keçib.

            Komandanın Antalyadakı düşərgəsindən gələn dəqiq xəbərə görə, adı bir müddətdir ki, komandamızla birlikdə hallanan hücumameyilli yarımmüdafiəçi Syerra-Leonenin də yığmasının şərəfini qoruyan Julius Uobay və hələlik adı açıqlanmayan daha bir tanınmış futbolçu nə qədər yubansa da transfer müddəti bitməmiş birbaşa Lənkərana gələcəklər. Bununla da komandamızın hücum xəttində olan çatışmazlığın aradan qaldırılacağı güman edilir.

             Biz "Xəzər Lənkəran”dan daha güclü olmağı gözləyirik. Əlbəttə, Mirça Rednikə inamımız sonsuzdur. Onun quracağı komandada vaxt ötdükcə futbolçular həm mühitə, həm də bir-birlərinə oyun baxımından uyğunlaşdıqdan sonra ... Di gəl qabağında dur, görüm necə durursan...