Rumıniya mətbuatında artıq Julius
Uobayın "Xəzər Lənkəran”a məxsus olduğu xəbəri yayılıb. Rumıniya mətbuatının xəbərinə
görə artıq "Xəzər Lənkəran” bu futbolçunu icarə əsasında deyil, birbaşa
transfer edərək, onunla ikiillik müqavilə bağlayıb. Bu gün Uobay tibbi baxışdan
keçib, sonra Azərbaycana Redniklə birlikdə gələcəyi günü gözləməlidi. "Universitatya”nın
köhnə oyunçusu olan Uobayı artıq Mirça Rednikin komandasının üzvü hesab etmək
olar.
Mirça
Rednikin vətənində jurnalistlərə verdiyi məlumatda deyib: " Mən Julius Uobayı
birbaşa transfer qaydaları çərçivəsində "Xəzər Lənkəran”a gətirirəm. Sabah o,
tibbi müayinədən keçməlidir və sonra mənimlə birlikdə komandanın Lənkərandakı
düşərgəsinə yollanmalıdır.”
Mirça
Rednik hələ bir neçə gün də, fevralın 3-dək Rumıniyada olacaq. "Gsp.ro” saytının
məlumatına görə bunda məşqçinin məqsədi hələ bir neçə transfer məsələlərini həll
etməli olduğu da bildirilir.
Onu
da qeyd edək ki, yerli mətbuata verdiyi açıqlamada "Xəzər Lənkəran”ın
vitse-prezidenti Tuyqun Nadirov da bu xəbəri təsdiqləyərək, Julius Uobayın həqiqətən
də baş məşqçi Mirça Redniklə birlikdə gələcəyini söyləyib.
Qeyd
edək ki, 26 yaşlı Julius Uobay 2007-2010 cu illərdə Krayova təmsilçisinin şərəfini
qoruyub. Sonra bir müddət "Aris” Limasol klubuna icarəyə verilib. İndi isə Azərbaycan
klubu olan "Xəzər Lənkəran”la ikiillik müqavilə bağladığına görə artıq onu "Xəzər
Lənkəran”ın futbolçusu saymaq olar.
|