İslam Cabbarlı adı, nəinki "Xəzər Lənkəran” ailəsinə, Azərbaycan futbol ictimaiyyətinə çox yaxşı tanışdır. "Xəzər Lənkəran"ın ilk müstəqil fanat qurumu olan "12ci oyunçu" fanklubunun təşkilat komitəsinin sədri, İslam Cabbarlının bu qədər tanınmasınnda, "Xəzər Lənkəran” klubuna sevə-sevə həsr etdiyi  mənalı bir ömrün də rolu az olmamışdır. Həmçinin İslam Cabbarlı səmimi, bir dost kimi və bir ailə başçısı kimi çox dəyərli insandır. Bu xüsusiyyətlər ona irsi olaraq verilmiş olan Allah vergisidir. 

Dövrünün böyük ziyalısı kimi çoxlarının xatirəsində qalan, lakin çox təəssüf ki, ömrünü cavan yaşlarında başa vurması, İslam Cabbarlının atası, İslam Cabbarovu yaşıdlarının arasından çox tez aparmışdır. Amma bu böyük ziyalı bu gün də çoxları tərəfindən gözəl hisslərlə xatırlanır. Məhz belə bir ziyalıdan tərbiyə alıb, onun gözəl ənənələrini davam etdirən İslam Cabbarlı əlbətdə başqa cür ola bilməzdi. 

Bu gün bu böyük ziyalı ailəsində doğulub boya başa çatan İslam Cabbarlı, bu mənalı ömrünün 41 yaşını qeyd edir. Biz bu gözəl, iti və sürətli məntiqə malik, əməksevər, yaxşı işlər naminə yorulmağın nə olduğunu bilməyən bir insana bütün "Bosman” ailəsi adından uzum ömür, cansağlığı, ailə səadəti və işlərində daim müvəffəqiyyətlər arzulayırıq.

Ömrün uzun və mənalı olsun İslam bəy!