Bu gün qardaş "Caspian Ultras” fanklubu 2 yaşını qeyd edir. "Xəzər Lənkəran” fanklubları arasanda öz xüsusi yeri olan "Caspian Ultras” fanklubu çoxlu gənc və çılğın azarkeşləri öz sıralarında birləşdirmişdir ki, bu da tribunalarda gözəl və fəal azarkeşlik mənzərəsi yaradır.

İki il öncə yaradılaraq qısa müddət ərzində özündən söz etdirməyi bacaran "Ultras”lar "Xəzər Lənkəran” komandasının həm səfər həm də ev oyunları zamanı tribunalarda möhtəşəm görüntülər yaradır və komandaya dəstək verirlər. "Caspian Ultras” Bakıda fəaliyyət göstərsə də Lənkəran üzrə bölməsindən əlavə sıralarına  qonşu rayonlardan olan çoxlu sayda fanatları da qata bilmişdir.