Bildiyiniz kimi "Bosman” fanklubu bütün ölkə klublarının azarkeşləri ilə dost münasibət qurmağın tərəfdarı olduğunu dəfələrlə sübut edib. Yalnız "start və final” fitləri arası rəqib olmağın və qalan vaxt ərzində isə normal münasibətlərin qurulması işini yenə də yorulmadan davam etdirməkdəyik. İnsafən bu humanist işi təqdir edənlərin sayı da kifayət qədərdir.

            Bu gün belə isti münasibətdə olduğumuz "Simurq” azarkeşlərindən "Neftçi” – "Xəzər Lənkəran” arasında keçirilən kubokun ¼ final matçının ilk oyunu ilə bağlı ünvanımıza maraqlı  məlumatlar daxil olub.

            Məlumatlardan biri belədir:-"”Neftçi”nin 12-ci oyunçusu hakimlər və AFFA-dır bunu hamı bilir. O gün biabırçılıq idi. "Xəzər Lənkəran”a Azərbaycan, "Neftçi”yə AFFA dəstək oldu.”

            "Simurq” azarkeşlərinin digər bir qrupu isə bu oyunu belə dəyərləndirib: -"”Xəzər Lənkəran”ın futbolu və hakimin "oyunu” göz qabağında idi, biz belə halları pisləyirik, səbirlə irəli. Uca ALLAH ədalətsizləri alçaltsın.”

            Biz də öz növbəmizdə qardaş "Simurq” azarkeşlərinə təşəkkürümüzü bildiririk. Ona görə yox ki, onlar sadəcə bizi müdafiə edir. Xeyr, vicdanlı olan hər kəs olanlara obyektiv qiymət verməyi bacaranlardır. Bu səbəbdən haqqı müdafiə edən hər kəsə təşəkkürümüzü bildiririk.