Çərşənbə Axşamı, 26/May/2020, 10:54
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Noyabr 2011  »
BazarB.eÇ.aÇ.C.a.CŞə
  12345
6789101112
13141516171819
20212223242526
27282930

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » Noyabr » 10 » Həqiqəti qəbul etməliyik
16:34
Həqiqəti qəbul etməliyik

"Çempion” qəzetinə və bu qəzetdə çalışan Anar Xanlarova bir jurnalist və çox mədəniyyətli bir insan kimi böyük hörmətim var. Elə "Xəzər Lənkəran”ın son "Böyük Oyun”dan sonrakı durumuna aid yazdığı "Kamran satqındı, Rednik qəhrəman?” yazısını da tənqid etmək fikrindən uzağam. Ən azı ona görə ki, Anar bəy də öz fikirlərini söyləməkdə haqq sahibidir. Müəyyən həqiqətlərin açılmasında isə bu yazının öz yeri olduğunu deyə bilərəm. Anar bəyin toxunaraq qələmə aldığı bu məsələlər güman edirəm ki, futbolumuzun inkişafı naminə, yəni "Xəzər Lənkəran” kimi ölkənin aparıcı bir klubunun niyə belə ağır məğlubiyyətlə üzləşdiyini və belə bir halın futbolumuzda zəif nöqtə olduğunu qəbul edə bilməməsinə görə yazılıb. Bu yazıda isə bir xeyli məqamlara toxunulub.

Əvvəla qeyd edirsiniz ki, sizin düşündüyünüzə görə problem, "Kamran Ağayevlə baş məşqçi Mirça Rednik arasındakı problemdən gedir. Hər halda mən bu cür düşünürəm ki, bu məsələdə problem yalnız bu iki şəxs arasındadır. Deyilənə görə, Kamran "Neftçi” ilə XII tur matçına da məhz Rednikin acığına çıxmayıb və səbəb kimi zədəsini göstərib.”

Daha sonra qeyd edirsiniz ki, " Gəlin, açıq danışaq, necə oldu Kamranın indiyə kimi, azarkeşlərlə, klub rəhbərliyi ilə problemi olmadı, Rednik gələndən sonra bu baş verdi? Necə oldu bu günə kimi "Xəzər Lənkəran” azarkeşləri Kamranı Azərbaycanda ən güclü qapıçı sayırdılar, ancaq indi onu satqın adlandırırlar? Unutmayın ki, nə qədər səhvləri, bəzən yersiz açıqlamaları olsa da, Ağayev Lənkəran klubu üçün az iş görməyib. Ona görə, bəzən heç nə bilmədən, məsələnin əsl mahiyyətinə varmadan kimisə ləkələmək, ona "satqın” damğası vurmaq da düzgün deyil. İlk növbədə məsələni araşdırmaq lazımdır. Bəlkə elə məsələ var ki, biz onu biləndən sonra Kamrana haqq qazandıracağıq? Bir daha deyirəm, mən burada problemin qapıçı ilə baş məşqçi arasında olduğunu düşünürəm.

Anar bəy, yəqin özünüz də razılaşarsınız ki, Avropanın və dünyanın böyük klubları var və bizlər də onlardan futbol mənasında çox örnəklər götürmək istəyirik. Bu böyük klublar niyə bu qədər inkişaf edirlər? Sualı isə futbolla maraqlanan hər kəsi düşündürür və düşünənlər onu da bilirlər ki, bu komandalarda ciddi nizam-intizam hökm sürür, futbolçu tərəfindən məşqçiyə yönəlik hər hansı kiçik eyham belə cavabsız, yəni cəzasız qalmır. Nəinki bu məsələdə olduğu kimi həm mətbuatda, həm azarkeşlər arasında məşqçi əleyhinə açıq-aydın əks təbliğat aparılması. "Barselona” klubunda kimliyindən asılı olmayaraq məşqə bir dəqiqə gecikmənin cəzası əlli min avrodur. Nəinki bizdə istənilən anda oyuna çıxmamaq, məşqə qatılmamaq və ya istədiyin zaman məşqi yarımçıq tərk etmək kimi qeyri-peşəkar hərəkətlər. Buna sizcə hər hansı formada haqq qazandırmaq mümkündürmü? Məşqçi klub rəhbərliyi və azarkeşlər tərəfindən qəbul olunursa, hansı haqla onlara qarşı çıxmaq olar? Hər bir futbolçu bütün komandalarda müqavilə əsasında oynayır və bu müqaviləyə də özü imza ataraq, müəyyən məvacib alır. Bunu doğrultmalı və buna qarşılıq verməli olan futbolçu yalnız peşəkarcasına işinə yanaşmalıdır. Hər hansı narazılığı isə həll etməyin qanuni yolları var.

Özünüzün də dediyi kimi problemi məşqçi ilə qapıçı arasında görürsünüz. Axı məşqçi ilə qapıçı arasında nə problem olmalıdır ki? Futbolçunun borcudur ki, məşqçinin dediklərinə əməl etsin. Əks halda bütün klublarda qapı açıqdır. Məşqçi ilə problem ola bilməz və olsa da bunu futbolçu kimi komandanı pis vəziyyətdə qoyaraq həll etməyə çalışmağın adını nə qoymaq olar? Biz azarkeşlərin heç kimi satqın adlandırmaq fikrimiz yoxdur. Əksinə biz Kamranı lazımi məqamlarda həmişə qiymətləndirmişik. Birincisi onun istedadlı futbolçu olduğuna görə itirilməməsi haqqında da çoxlu səy göstərmişik. Kamran öz karyerası naminə peşəkarcasına davranmalıdır. Biz peşəkarları müdafiə edirik. Yoxsa azdırmı dünya təcrübəsində parlayıb tez sönən ulduz futbolçular.

Yəqin hamımızın məktəb illəri yadımızdan çıxmamış deyil. Dərsə davamiyyəti, gecikməni, dərsi yaxşı öyrənmək üçün tələbkar olan müəllimləri çox şagirdlərin sevməməsini xatırlayırıq. Amma o müəllim illər sonrasından şagirdlər tərəfindən başa düşülür və çətinə düşəndə belə xatırlanır: "Sən demə filan müəllim bizi istəyərək belə nizam-intizam tələb edirmiş.” Amma sonrakı peşmançılığın fayda verə bilməyəcəyini böyüklərimiz də "atalar misalı” kimi öyüd vermişlər. Sadaladığınız, Rednik gələndən sonrakı bəzi futbolçuların adları da həmin şagirdlərin adları ilə eynidir məncə. Nizam-intizamı qəbul etmək lazımdır.

Zədə ilə bağlı fikirlərinizə gəlincə, bu gün mətbuatda "Xəzər Lənkəran”ın həkiminin adıçəkilən futbolçunun zədə probleminin olmadığı ilə bağlı informasiyalar yer alıb. Onu da çox gözəl olaraq vurğulamısınız ki, "bəlkə elə şeylər var ki, biz bilmirik.” Bəli, bilmədiyimiz məsələ bu gün komandanın həkimi tərəfindən açıqlanırsa, onda bəs bu bəhanələrin müdafiəyə haqqı çatırmı? Bəli, elə nüanslar var ki, dediyiniz kimi siz bilmirsiniz. Elə nüanslar da var ki, biz bilmirik. Amma hamı tərəfindən bilinən nüanslar da var ki, bunlar açıqlananda bəlli olur.

"Əgər doğurdan da o, zədəli olmaya-olmaya "Neftçi”yə qarşı oynamaqdan boyun qaçırıbsa, bu, istənilən halda peşəkar futbolçuya yaraşmayan bir hərəkətdi. Ancaq buna dair bizim əlimizdə fakt olmadığından konkret ittiham irəli sürə bilmərik.” Komanda həkiminin "zədəsi yoxdur” deyən açıqlaması sizin qənaətinizi cavablayırmı?  Bax elə bunları demək olar bütün "Xəzər Lənkəran” azarkeşləri bilir deyə, onların arasında fikir ayrılığı yoxdur.

Amma sizin qənaətinizin əksinə olaraq onu deyə bilərəm ki, Skarlatake məsələsində

"Xəzər Lənkəran” azarkeşlərindən heç kim nə Redniki, nə də futbolçunun özünü günahlandırmadı. Burada onun əvvəlki klubu və "Xəzər Lənkəran”da icarə əsasında oynaması faktoru var idi. Bəli, mən də inkar etmirəm ki, belə biabırçı məğlubiyyətdə məşqçinin günahı da var. Amma bilirsiniz bu günah nədən ibarətdir? Bu günahın səbəbi məncə məşqçi tərəfindən güclü nizam-intizamın tətbiq edilməməsidir. Güclü nizam-intizam da tətbiq olunduğu zaman baxın, bugünki kimi məsələlər ortaya çıxır. Hər kəs bir cür müdaxilə etməyə çalışır. Hətta milli futbolçunun nizam-intizama cəlb olunmasını milli faciəyə çevirmək istəyənlər belə ortaya çıxır.

            "Makkabi” ilə oyunlardan misal gətirirsiniz. Səfər oyununda buraxılan üç qolun kimin səhvlərindən olduğunu siz də çox gözəl bilirsiniz. Bu heç də məşqçinin taktiki səhvi yox, yerli futbolçuların fərdi və bəsit səhvləri idi. Həmin oyunlar ərəfəsində isə bəzi yerli futbolçuların davranışı da çoxlarımıza məlumdur. Mən isə bunların canlı şahidlərindən biriyəm. Belə olan təqdirdə Redniki ittiham etmək nə dərəcədə ədalətli sayılar?

            Redniki Bakıda qalıb, Lənkərana getməməkdə ittiham etmisiniz. Yadınıza salmaq istərdim ki, həmin ərəfədə komanda strategiyasında dəyişikliyə qərar vermək istəyirdi. Gənc futbolçularla işləmək isə Rednik kimi peşəkar birisinə təklif olunurdu. Siz də yəqin hər bir mütəxəssisin konkret işinin olduğunu təsdiq edərsiz. Məhz bu səbəbdən də Rednik komandanın baş ofisinin yerləşdiyi Bakı şəhərində yubanmalı olmuşdu və bütün məsələlərə aydınlıq gətirilməsini keçirdiyi görüşlərlə əlbəttə burda gözləməli idi. Yalnız bu səbəbdən onun Bakı şəhərində ləngiməsi dəqiqdir. Yoxsa, "Neftçi”yə keçmək üçün o Bakıda ləngiməmişdi. Normal olaraq hər bir komandadan istedadlı məşqçiyə təklif gələ bilər. O cümlədən də "Neftçi”dən. Amma baxın o komandasını dəyişmədi! Bu da onu göstərir ki, ona təklif gələ bilərdi. O özü bu istəkdə olmayıb. Olsaydı o artıq rəqib düşərgəyə çoxdan keçmişdi. Əgər keçsə idi onda siz deyən kimi ona "satqın” demək olardı. Hərçənd ki, sonralar "Neftçi” tərəfi də belə danışıqlar aparmadığını bildirmişdi. Əgər başqa bir idman nəşri sizin kimi istedadlı jurnalisti öz qəzetinə dəvət edirsə, sizə təklif göndərirsə, siz isə bunda maraqlı deyilsinizsə, onda sizi nədə ittiham etmək olar? Əlbətdə heç nədə.

            Ağasəlim Mircavadov məsələsinə də toxunmusunuz. Həm yaddaşlı, həm də demək olar bütün matçları canlı izləyən biri kimi mən də Qəbələdə (0:3) çempionluq dəqiqələrini yaşamışam. Ağasəlim Mircavadov haqda söhbət düşəndə də elə siz deyən kimi biz də onun komanda üçün çox böyük işlər gördüyünü və hələki yeganə çempionluğumuzun memarı olduğunu xatırlayaraq minnətdarlıq hissləri keçiririk. Hətta bəziləri onun çempionluğuna kölgə salmaq istəsələr də, dərhal "bəs MDB kubokunu necə aldı?” sualımızla qarşılanır.

            Bəli, Anar bəy, siz öz fikirlərinizi söylədiyiniz kimi, mən də öz fikirlərimi sizinlə və bütün oxucularla bölüşmək istədim.

 

Hörmətlə: Mirhafiz M. Babayev "Bosman” fanklubunun rəhbəri.

Views: 338 | Added by: BOSSMAN | Dərəcələndirmə: 0.0/0
Cəmi Şərhlər: 1
0  
1 Demir Agaci   (11/Noy/2011 11:24) [Daxil Olunan]
Kamran oyuna cixmirsa, Rikardo Gomes veteninden donmurse, hakim edaletsizlik edirse ve buna laysman da qosulursa, insafiz varsa deyin gorum burda Rednikin ne gunahi var ?

Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz