Düz bir il əvvəl 2009/10 futbol mövsümündə premyer liqanın XXIV turu məhz bu günə təsadüf etmişdi. Novruz Bayramı qeyd olunan gün "Xəzər Lənkəran” səfərdə "İnter”lə qarşılaşırdı. Hər iki klubun azarkeşləri,  "Şəfa” stadionunda keçirilən bu oyundan öncə həyata keçirilən maraqlı layihə ilə yadda qalmışdılar. Beləki, "Bosman” fan klubunun təklifi ilə meydan  sahiblərinin  fan klubu ağ parçada yaşıl rənglə "”Xəzər,  bayramınız mübarək !” yazılan banneri, "Bosman” fan klubu isə ağ parça üzərində göy rənglə ""İnter”, bayramınız mübarək !” yazılmış bannerləri hazırlayaraq oyundan öncə tribunalardan asdılar. Bundan əvvəl isə razılaşmaya əsasən meydan sahibləri olduğu üçün, yenə ilk olaraq  "İnter” fan klubunun üzvləri üzlərini  qonaq azarkeşlərə tərəf tutaraq düz 5-dəfə bannerdə yazılmış sözləri şüar şəklində səsləndirdilər. "Xəzər Lənkəran”ın  azarkeşləri  də buna eyni tərzdə cavab verdilər. Beləliklə, 2010-cu ilin 21-mart tarixi Azərbaycan futbol tarixində, futbol azarkeşlərinin  ilk dəfə qarşılıqlı bayram təbrikli şüarları səsləndirdikləri  gün kimi qaldı.        "Xəzər Lənkəran” və "İnter” azarkeşləri arasında bünövrəsi 2009-cu ilin yayında qoyulan dostluq və qardaşlıq əlaqələri  2010-cu ilin Novruz bayramı günü daha da möhkəmləndi və hazırda da bu xoş münasibətlər davam edir.

Mənbə: "12cioyuncu.info”

Qeyd: İlk dəfə 2009-cu il avqust ayının 21-də Lənkəranda keçirilmiş "Xəzər Lənkəran” – "İnter” klubları arasında çempionat oyunundan əvvəl "12-ci oyunçu” azarkeş qrupu tərəfindən təklif olunan və həyata keçirilən hər iki klubun azarkeşləri arasında Lənkəran Olimpiya Kompleksinin mini futbol meydançasında keçirilən qarşılaşma ilə əsası qoyulmuş bu dostluq sonradan yuxarıda qeyd olunan formada davam etdirilmişdir. Bura həm də onu da əlavə edək ki, həmin andan sonra "İnter” klubunun nə vaxt Lənkəranda keçirilən oyunları olubsa, "Xəzər Lənkəran” azarkeşləri komandalarını dəstəkləməyə gələn qonaq azarkeşləri Lənkəran şəhərinin girəcəyində xüsusi olaraq qarşılamış və onları matçın keçirildiyi "Fırtınalar Meydanı”na qədər müşayiət etmişlər. Bu tədbirlərdə "Bosman” fanklubu mümkün olan qədər "12-ci”lərlə birgə iştirak etmişdir.

            Onu da qeyd edək ki, "12cioyuncu.info” saytında getmiş və sizlərə də təqdim etdiyimiz bu yazıda "Novruz” bayramı ərəfəsində "Şəfa” stadionunda "Bosman” fanklubunun layihəsi olan tədbirdə "Xəzər Lənkəran” rəsmi fanklubunun başda Samır Qasımov olmaqla, iştirakı layihənin gözəl effekt verməsində böyük rolu olmuşdur. Bu tədbirə bütöv heyətlə qatılan rəsmi fankluba və həmçinin şüarları səsləndirərkən xeyli sayda fanklublara daxil olmayan azarkeşlərimizə göstərdikləri dostluq tədbirindəki səylərinə görə həmişə minnətdarlığımızı bildirməyi özümüzə borc bilirik. Bu tədbirə fanklublara daxil olmayan azarkeşlərimizin də ürəklə qoşulması həm də onu göstərir ki, "Xəzər Lənkəran” azarkeşləri belə sivil münasibətlərin tərəfdarıdırlar.