"Xəzər Lənkəran” futbol klubunun bir neçə fanklubu mövcuddur. Məhz bu xüsusiyyətlə də bir vaxtlar komandamız ilklərə imza atmışdı. Bundan sonra digər klublarda da bir neçə fanklubun fəaliyyəti müşahidə olunmağa başladı.

Azarkeş sarıdan tayı bərabəri olmayan komandamızın  ötən mövsüm daha bir fanklubu yarandı. Belə ki, keçən il May ayının 1-də gənclərdən ibarət bir qrup komandamızın fan sektoruna daha birini əlavə edərək, "Caspian Ultras”-da birləşdilər.

Yarandığı qısa müddət ərzində "Caspian Ultras” fanklubu özünəməxsusluğu ilə seçilməyi bacarıb. Tribunalarda maraqlı atmosfer yaradaraq komandanı dəstəkləməkdə həmişə fəallıqları ilə seçilən fanklubun bu bir ildə sıraları da xeyli genişlənib.

Biz "Xəzər Lənkəran”ı dəstəkləməkdə davam edən "Caspian Ultras” fanklubuna 1 yaşın mübarək deyirik və bundan sonrakı fəaliyyətlərində daha da irəli getməyi arzulayırıq.

"Bosman” fanklubu