Çərşənbə Axşamı, 26/May/2020, 10:42
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Mart 2011  »
BazarB.eÇ.aÇ.C.a.CŞə
  12345
6789101112
13141516171819
20212223242526
2728293031

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » Mart » 4 » Can verən Azərbaycan hakimliyi mərkəzi stadionda dəfn edildi.
19:56
Can verən Azərbaycan hakimliyi mərkəzi stadionda dəfn edildi.


            İlk dəfə Azərbaycan kubokunda üz-üzə gələcək olan prinsipial rəqiblər martın üçü Tofiq Bəhramov adına stadionda ¼ final mərhələsinin ilk oyununa cıxacaqdılar. Bəli, Azərbaycan kuboku ¼ final mərhələsinin ilk oyununun adı  "Neftçi” – "Xəzər Lənkəran” idi.

            Bu matça çox prizmalardan yanaşmaq olar. Sadəcə bu oyunda dominant iki şey var idi. Birincisi, xeyli güclənmiş olan doğma "Xəzər Lənkəran” idi ki, artıq Azərbaycanda onun qarşısına çıxacaq komandanın olmaması hər kəsə məlumdur. Gözəl təcrübəyə və bacarığa malik olan baş məşqçi Mirça Rednik, onun qurduğu baxımlı futbol sərgiləyən oyunçulardan ibarət komanda, bu işdə ona inanılmaz dəstək verən klub rəhbərliyi və nəhayət çoxminli azarkeşlər. Bəli, o komanda ki, oyundan-oyuna yeni heyət üzvləri arasında uyğunlaşma baş tutunca daha güclü və qarşısıalınmaz bir komandaya çevrilməkdədir. Antalyadakı təlim-məşq prosesindən sonra ilk qələbəsini qazanan komandamızın baş məşqçisi Mirça Rednik belə demişdi: " Bu gün qazandığımız qələbəyə görə çox şadam. Bəzi çatışmazlıqlar hələ hiss olunmaqdadır. Xüsusən futbolçular arasında uyğunlaşma və xətlərarası əlaqənin istənilən səviyyədə olmaması baxımından. Təsnifat mərhələsinin sonuna qədər bütün bunları aradan qaldıracağımnıza inanıram.”           

            Bəli, bu sözləri deyəndə Mirça Rednik təsnifat mərhələsinin sonuna üç tur qaldığını bilirdi. Bilirdi, özünə və komandasına inanaraq bunları söyləyirdi. Bu baş verdi. Dahi Rednik addım-addım irəliləyir. "İnter” üzərində 1:3 inamlı səfər qələbəsi və ardıyca kubokun ¼ final mərhələsində bu yazıya səbəb olan daha bir 3:4-lük "Neftçi” üzərində səfər qələbəsi.

            Yadınızdadırsa, "Neftçi” ilə 0:0 bitən son çempionat oyunundan sonra saytımızda gedən yazıya "Böyük Oyun” yoxsa "Böyük Dərs” adı vermişdik. Burada göstərmişdik ki, həmin oyunda "Xəzər Lənkəran” sərgilədiyi oyunla rəqibinə "Böyük Dərs” vermiş oldu. Bundan sonrakı oyunlara isə "Neftçi” psixoloji baxımdan qorxu ilə çıxacaq.

            Bir də diqqətli oxucular "Futbol+” qəzetinin son saylarından birində Hüseyn Cəbrayıloğlunun "Xəzər Lənkəran”ın aşağı yaş qrupları ilə işləyəcək yeni hollandiyalı məşqçisi Vildviyklə müsahibədən bir məqamı yəqin ki, xatırlamamış deyillər. Hüseyn Cəbrayıloğlunun müxtəlif suallarına cavab verən hollandiyalı məşqçi, onun əsas komandanın baş məşqçisi Mirça Redniklə münasibətlərinə və qurulacaq iş prinsiplərinə dair sualına Vildviykin cavabında belə bir məqam var idi: "Mirça Rednik çox istedadlı və təcrübəli məşqçidir və onun böyük təzyiq altında çempionluğa oynadığını da bilirəm.”

            Bəli "Xəzər lənkəran”a qarşı təzyiqin olduğunu biz də bilirik. Amma son kubok oyunu Vildviykin dediyi kimi "böyük təzyiq”in də şahidi olduq. Bu təzyiqin bir forması da Hakimlərin əli ilə həyata keçirilir. Müxtəlif cür hakim oyunbazlığının şahidi olmuşuq. Elə Anar Salmanovun "Xəzər Lənkəran”ın Salyanda yerli "Muğan”a qarşı keçirdiyi oyunda hansı hoqqalardan çıxdığının canlı şahidiyik. Həmin oyundan sonra bir daha komandamızın oyunlarına təyinat almayan Anar Salmanov son ¼ kubok oyununda peyda olması da səbəbsiz deyil. Çünki kifayət qədər güclənmiş "Xəzər Lənkəran”ı necə olur olsun dayandırmaq lazım idi. Bunu isə "Hoqqalar qəhrəmanlarının ən "istedadlısi”” Anar Salmanov edə bilərdi. Etdi də. Amma arzularına çata bilmədilər.

            Yadınızdadırsa "İnter”lə çempionat oyunundan əvvəl hakimliklə bağlı yaranan söz-söhbətlər var idi. Bununla əlaqədar "Bosman” fanklubu və "12 ci oyunçu” azarkeş klubu Hakimlər komitəsinin sədri Xaqani Məmmədova rəsmi münasibət üçün müraciət ünvanlamışdı. Matça qədər üç günə yaxın bir müddətdə Xaqani Məmmədovun heç bir reaksiyası gəlmədi. Yalnız Matçdan sonra, artıq "Xəzər Lənkəran”ın inamlı qələbəsindən sonra kompyuterindəki nasazlığı bəhanə gətirərək cavabının gecikdiyi haqda bilgi ilə birlikdə cavab da göndərmişdi. Buna el dilində "Toydan sonra nağara” və ya "Daldan atılan daş topuğa dəyər” deyirlər. Bir də komitə sədri "...məndən heç kim, heç nəyi tələb edə bilməz” demişdi.

            Biz də onun cavabına qeyd vasitəsi ilə bunları çatdırmışdıq: "Biz də "12ci oyunçu” azarkeş qrupu və "Bosman” fanklubu olaraq Xaqani bəyin etiraflarını səmimi qəbul etmək istəyirik. Əmin olmaq istərdik ki, yerdə qalan mövsümün bütün oyunlarında, istər kubok olsun istətsə də Premyer-Liqa oyunları olsun bütün matçların tam obyektiv və hakim səviyyəsi baxımından yüksək səviyyədə idarə olunacağına ümid etmək istərdik.

 

            Bir də Xaqani bəyə bu cavabın matçdan əvvəl verilməsinin daha obyektiv və effektli olmasının məntiqəuyğun olmasını bildirmək istərdik. Kompyuterinizdəki problemin isə XXI əsrdə belə bir gecikməyə əsas olmadığını düşünürük.

 

            Bir də onu demək istəyirik ki, Demokratik Azərbaycan Respublikasında dəfələrlə ölkə prezidentinin, AFFA və PFL prezidentlərinin azarkeşlərin sorğularına vaxtında cavab verib tədbir gördüyü halda, bunun sizin də ümdə vəzifəniz olduğunu bir daha diqqətinizə çatdırmaq istəyirik.”

            Bu müraciət və müraciətə Xaqani Məmmədovun cavabı, ona əlavə etdiyimiz qeyd də hər iki azarkeş qurumunun internet saytında getmişdi.

            Bizim "Qeyd”də Xaqani Məmmədovun buraxdığı üç səhvə və ya bəhanəyə cavab verilmişdi. Söz açacağım daha iki səhvi isə qabartmamağı qərara almışdıq. Xaqani Məmmədovun bizə göndərdiyi cavab hər iki fanat saytında işıqlandırıldıqdan sonra "12cioyuncu.com” saytında "şərhlər bölməsin”ndə komitə sədri xeyli tənqidlərə məruz qalmışdı. Şəxsən fanklubumuzun rəhbəri Mirhafiz Babayevin, "12 ci oyunçu” azarkeş qrupunun təşkilat komitəsinin sədri İslam Cabbarlıdan etdiyi xahişdən sonra şərh bölməsi bağlanmış oldu. Xahişin məntiqi isə belə idi: "Müraciətimizə cavab olaraq göndərdiyi məktubla bir növ saytlarımıza qonaq gəlmiş bir adamın həmin yazıda tənqidinə yol verməyək. Bu bir növ evinə çağırmış olduğun qonağa hörmətsizlik edərək onu tənqid etməyə bənzəyir. Biz "Xəzər Lənkəran” azarkeşləri olaraq mədəni səviyyəmizi ortaya qoyub bunu etməməliyik.” İslam bəy də bunu anlayışla qarşılayıb "şərhlər bölməsi”ndə izahat verərək, bölmənin fəaliyyətini dayandırdı.

            İndi də keçirik Xaqani Məmmədovun məktubundakı bayaq qeyd etdiyimiz daha iki səhvinə. Bunlardan biri: "Ümid edirik ki, nəinki "Xəzər-Lənkəran”ın iştirakı ilə keçirilən oyunlarda, eləcə də heç bir Azərbaycan klubuna qarşı haqsızlıqdan, qərəzdən söhbət gedə bilməz. İstəyimiz odur ki, mövsümün sonunda güclü klublarımız qalib olsunlar və ölkəmizi beynəlxalq arenada ləyaqətlə təmsil etsinlər.”

            Bu səhvə cavab olaraq onu demək istəyirik ki, bu məsələdə bir komitə sədri kimi siz -"Ümid edirik ki,” kəlməsi işlətməli deyilsiz. Siz bu sahədə səlahiyyət sahibi olduğunuz üçün, həm də sizə mühüm bir vəzifə tapşırıldığı üçün başqa cür çıxış etməli idiniz: "Səlahiyyət sahibi olaraq, dövlət tərəfindən bizə tapşırılmış vəzifəyə arxalanaraq heç bir komandaya qarşı haqsızlıq edilməsinə yol verməyəcəyik. Belə fikirdə olanları isə ciddi cəzalandıracağıq.”

            Nəhayət, bizim komitə sədrinə göndərdiyimiz sorğunun sonunda: "Qoy, haqq edən qazansın!” cümləsi ilə yekunlaşır. Bu fikri işlədərkən də müxtəlif müzakirə aparmışdıq. Sanki müzakirələrimiz boş yerə deyilmiş kimi, komitə sədrinin cavab məktubunda "Qoy güclü qalib olsun.” kimi bir mesaj verilir.

            Son kubok oyunundakı hakim biabırçılığından sonra isə "Qoy haqq edən qazansın!” olan haqqa söykənən bizim şüarımızla, komitə sədrinin "Qoy güclü qalib olsun.” Şüarı arasındakı fərq və ya niyyət açıq-aydın görünür. Deməli Xaqani Məmmədov bir sıra ünsürlərlə özünü daha güclü sayır və "qalib gələcəklərinə” işarə edir. Çünki Anar Salmanovun timsalında əllərindən gələn hoqqabazlığın həyata keçirilməsi buna açıq sübutdur. Rəqibin futbolçusuna yaxın getməyin belə qorxulu olduğunu görən "Xəzər Lənkəran” komandası hakimin oyunpozuculuğu, yersiz olaraq, hücumlarımızı əngəlləməyi, yeri gəldi-gəlmədi futbolçularımıza və məşqçimizə kart göstərməsi, rəqibin simulyasiya edib katr almalı olduğu halda əksinə qapımıza cərimə zərbələri və hətta penalti təyin etməsi, ümumilikdə otuzdan yuxarı əleyhimizə qərar verməsi absurd hakimliyimizin növbəti nümunəsi oldu. Əgər futbol verilişlərində bütün futbol ictimaiyyətinin tənqid etdiyi belə hakimliyi müdafiə edəcəyi təqdirdə elə sifarişçinin onun özü olduğu ortalığı çıxacaq.

            Bir də onu deyək ki, əgər "Xəzər Lənkəran” rəqiblə eyni gücdə olsaydı, belə hakimliklə komandamızı 5:0 uduzdurardılar. "Xəzər Lənkəran” rəqibindən bəlkə də 10-15 dəfə güclü idi ki, onlar nə etdilərsə bunu bacara bilmədilər.

            Sonda onu da deyək ki, bütün bunlarla əlaqədar canverməkdə olan futbol hakimliyimiz Martın 3-ü 2011-ci ildə böyük futbol hakimimiz Tofiq Bəhramovun adını daşıyan Mərkəzi arenamızda Anar Salmanovun iştirakı ilə və Xaqani Məmmədovun oxuduğu yasin sədaları altında dəfn olundu.  

            Belə FİFA referisi və Hakimlər Komitəmiz haqqında həmin oyunun videoyazısı olan əsaslı dəlillə həm FİFA və həm də UEFA sizcə məlumatlandırılmalı deyilmi ki, onlar da oyunları kimlərə həvalə etdiklərini bilsinlər?

           

Views: 491 | Added by: BOSSMAN | Dərəcələndirmə: 0.0/0
Cəmi Şərhlər: 3
0  
3 Lenkeranli   (05/Mar/2011 01:28) [Daxil Olunan]
Martın 3-ü düzdü bir balaca sevincden başimiz firlandi və 3 topu qapımizda gördük! Ne yaxşı olardı heç başımız firlanmayaydi!!! Əzəli rəqibizı bir daha doğma stadionumzda yenilmek ümüdü ilə.... İrəli Lənkəranın Xəzəri!!!!
Ps: Bossmanl Mircavid seni ad günün münasibəti ilə təbrik edirəm! Sənə ayın üçündə ən gözəl hədiyyəni yenə də Xəzər Lənkaran verdi :)
Pss: Bütün Xəzər Lənkəranlılar sizi Martin 3-də olan zəfərimizə görə ürəkdən təbrik edirəm!!!

0  
2 Bahlul   (04/Mar/2011 22:40) [Daxil Olunan]
Lenkeran stadionu Heyder Aliyevin adina verilmediyine gore naxcivanli Rovneq AFFA-ya gelenden Xezer-Lenkerani suruyur. Hemde Ilham Aliyev Mubarize paxilliq edir.

0  
1 Anti-Rövnəq!   (04/Mar/2011 20:14) [Daxil Olunan]
................................

Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz