Çərşənbə Axşamı, 26/May/2020, 10:46
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Dekabr 2011  »
BazarB.eÇ.aÇ.C.a.CŞə
    123
45678910
11121314151617
18192021222324
25262728293031

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » Dekabr » 13 » "Bosman"ın rəhbəri komandanın ofisinə dəvət edildi
22:22
"Bosman"ın rəhbəri komandanın ofisinə dəvət edildi


            Bu gün fanklubumuzun rəhbəri Mirhafiz Babayev "Xəzər Lənkəran”ın Bakıdakı ofisinə dəvət edilib. Dəvəti şəxsən klubun icraçı direktoru Höccət Hacıyev telefonla zəng edərək bildirib. Məsələnin nə ilə bağlı olduğunu öyrənmək istəyən "Bosman”ın rəhbəri, icraçı direktorun komandanın ətrafında son zamanlar yaranan söhbətlərlə bağlı olduğunu və bu barədə azarkeşlərin dəstəyinə ehtiyacı olduğunu bildirib. Daha başqa kimlərin dəvət olunduğunu bilmək istəyən fanklub rəhbərinə isə "12-ci oyunçu” azarkeş qrupunun rəhbəri İslam Cabbarlının da dəvət olunduğu bildirilib. Lakin İslam Cabbarlının səhhətindəki problemlərlə bağlı onun iştirak edə bilməyəcəyi də bildirilib. İsrarlı dəvətdən sonra Mirhafiz Babayev dəvəti qəbul edib.

            Saat 15:00-a qarşılıqlı olaraq təyin olunmuş vaxta fanklub rəhbəri artıq görüş yerində olub. Onun dediklərini dinləyək. "Bu gün günorta saatlarına yaxın "Xəzər Lənkəran”ın icraçı direktoru Höccət Hacıyev mənə zəng edərək klubun ətrafında yayılan söz-söhbətlərə görə görüşmək istədiklərini bildirdi. Müəyyən işlərimin olduğunu nəzərə alaraq, yalnız günortadan sonra bunun mümkün olduğunu bildirdim və qarşılıqlı olaraq görüş saat 15:00-a təyin olundu. Razılaşdığımız vaxt artıq "Xəzər Lənkəran”ın Bakıdakı ofisində oldum. Görüşdə dəvət edənlər tərəfdən klubun vitse-prezidenti Tuyqun Nadirov və icraçı direktor Höccət Hacıyev iştirak edirdilər. Tuyqun bəy dəvətlərinin son zamankı məsələlərlə bağlı olduğunu söylədi. O qeyd etdi ki, məhz belə bir vaxtda komandanın azarkeş dəstəyinə daha çox ehtiyacı var. Rednikin gedişi ilə bağlı məsələlərə də toxunan vitse-prezident, onunla ümumiyyətlə heç bir problemlərinin olmadığını söylədi. Sadəcə son zamanlar yaranmış vəziyyətin belə bir addımın atılmasına səbəb olduğunu bildirdi. Bununla klubun heç bir iddiasından, yəni çempionluq və kubok mübarizəsindən çəkilmədiyini söylədi. Sadəcə bu hədəflərə çatmağımızda azarkeş dəstəyinə ehtiyacın olduğunu bildirdi. Mən isə son zamanlar baş məşqçi ilə əlaqədar klubun verdiyi qərarların azarkeşlər, elə birinci fanklubumuz tərəfindən də birmənalı qarşılanmadığını söylədim. Azarkeşlərin küskünlüyünü dilə gətirdim. Elə azarkeşlərlə bağlı vəziyyəti yenidən normal hala salmaq üçün heç olmasa ayda bir dəfə onların 20-30 nümayəndəsi ilə görüşdə klubun maraqlı olması bildirildi. Kənar qüvvələrin aramıza soyuqluq salma cəhdlərinə imkan verməmək haqqında söhbətləri oldu. Mən də öz növbəmdə bu barışığın alınması üçün azarkeşlərin rəyinin mütləq nəzərə alınmasının vacibliyini vurğuladım. Özü də bunun alınması üçün klub tərəfindən tək sözdə deyil əməli addımların atılmalı olduğunu bildirdim. Əgər komanda azarkeş istəyinə uyğun fəaliyyət göstərəcəksə, bunun mümkünlüyünü onların diqqətinə çatdırdım və onu da bildirdim ki, bütün azarkeşlərimiz güclü "Xəzər Lənkəran” arzusundadır. Buna və komandamıza sadiqliyini dəfələrlə nümayiş etdirən azarkeşlərimiz əlbəttə onların istəyinə uyğun komandanın olacağı anı həmişə səbirsizliklə gözləyiblər. Klubun hər iki rəsmisi bir az zamana ehtiyacın olduğunu və hər şeyin qaydaya düşəcəyini bildirdilər. Beləliklə, qarşılıqlı söylənilən arqumentlərin yalnız əməli yolla qaydaya salınacağına ümid edərək görüşü yekunlaşdırdıq.”   

Views: 711 | Added by: BOSSMAN | Dərəcələndirmə: 0.0/0
Cəmi Şərhlər: 2
0  
2 BOSSMAN   (14/Dek/2011 11:54) [Daxil Olunan]
Dünən məlum görüş haqqında saytımızda və digər saytlarda şərhlər qəbul olundu. Gecədən səhərə qədər sayta nəzarət üçün başqa bir əməkdaşımız iş başında olmuşdu. və müəyyən şərhlərin silinməsi də olmuşdu. Görüşün iştirakçısı və həm də saytın adminlərindən biri kimi aşağıdakı fikirlərlə bir daha münasibət bildirirəm.

Şərhlərə baxarkən orada həm obyektiv, həm subyektiv və həm də emosiyalarla fikir bildirənlərə rast gəldim. Bütün oxuculara hörmətlə yanaşıram. Amma soyuq başla analiz etmələrini rica edirəm. Onu deyim ki, müəyyən çətin zamanlarda həmişə əksəriyyətimiz belə bir fikir səsləndirirlk: «Hanı ziyalılar?, Hanı fanklublar? niyə səslərini çıxarmırlar?»
Biz də üzərimizə düşən ziyalılıq məsuliyyətini dərk edən insanlarıq. «Xəzər Lənkəran»a qarşı olan qüvvələrə sözümüzü demək, komandamızın adına uyğun fəaliyyət göstərməsinə yardım üçün isə «Bosman» fanklubunu təsis etdik. Bəli, səhv anlamayın amalımız yalnız klubun adına uyğun və təmiz idman mübarizəsi şəraitində fəaliyyət göstərən bir «Xəzər Lənkəran» uğrunda fəaliyyətə başladıq. İlk gündən bu ana qədər də bunu əməli olaraq göstərmişik. Əgər kimin buna şübhəsi varsa, daxilindəki vicdan hissi və başımızın üzərindəıki Allah xofunu hiss edərək analiz etsin. Mən də hər birinizlə hər hansı müzakirəyə hazıram. «Bosman.at.ua» saytında da mənimlə əlaqə qurmaq üçün həm telefon və həm də @-mail ünvanım göstərilib.
Bir ziyalıdan məsələyə müdaxilə tələb edirsinizsə, buyurun, mən yalnız «Xəzər Lənkəran» naminə görüşdə iştirak etmişəm. Çünki, son başverənlər sizlər kimi məni də məyus edib. Əlbəttə, komandamızı keçən mövsümkü vəziyyətə gətirmək üçün hamımız fəaliyyət göstəririk. elə sizin məsələyə müxtəlif müdaxiləniz də bunun, yəni ürək yanğısının göstəricisidir.Sizlər kimi mən də yalnız bu yanğı ilə görüşdə iştirak etdim. Sizlərin demək istədiyiniz bütün iradları da orada bildirmişəm. Həmişə olduğu kimi kifayət qədər mövqe göstərmişəm. Bunu görüş haqqında verdiyim məlumatda da qeyd etmişəm. Bildirmişəm ki, azarkeşlərin rəğbətini qazanmaq üçün onların istədiyi komandanı formalaşdırmaq lazımdır. Özü də bunun tək sözdə yox, əməli işlərlə həyata keçirilməsi ilə qazanmaq olar. Əmin olun ki, hər birinizin ürəyindən keçən məsələləri və iradları arqumentlərlə və konstruktiv olaraq bildirmişəm. Görüşdə iştirak edən hər iki klub rəsmisi də dediklərimi qəbul edərək buna zamanın ehtiyacı olduğunu bildiriblər. Sonda onu da bildirmişəm ki, məsələ bununla yəqin ki, qapanmayacaq, yalnız azarkeşlərin istəklərinə uygun əməli fəaliyyət olacaqsa, onda azarkeş «Xəzər Lənkəran» sevgisi naminə olanları bağışlaya bilər. Daha hansısa bişmək və ya bişirilməkdən söhbət belə gedə bilməz. lütfən fikirlərinizdə diqqətli olun. Bizim birliyimiz komandanı yayda başverən vəziyyətdən necə çıxardısa, yenə bu birlik yardımçımız ola bilər. söhbət azarkeşlərin birliyindən gedir.

0  
1 Fegan242   (14/Dek/2011 11:34) [Daxil Olunan]
Tuyqun mutleq istefa vermelidir!Klub artiq cox gerileyir! Xezer-Lenkaran qeyri peshakarliqi uzdedir!

Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz