Bu gün klubumuzun və Azərbaycan milli yığmasının bir nömrəli qapıçısı, eyni zamanda "Xəzər Lənkəran” komandasının kapitanı Kamran Ağayevin 25 yaşı tamam olur. Bu münasibətlə "Bosman” fan-klubu Kamran Ağayevi ürəkdən təbrik edir, ona can sağlığı, gələcək fəaliyyətində müvəffəqiyyətlər və yeni uğurlar arzulayır.

            Xatırladaq ki, "Bosman” fan-klubu ilə  yaşını eyni gündə qeyd edən Kamran Ağayev həm də fanklubumuzun bütün üzvləri tərəfindən çox sevilən bir futbolçudur. "Bosman” fan-klubunun da dəstəyi ilə həmişə bizləri sevindirməyə davam edən doğma "Xəzər Lənkəran”ımızın qolkiperinə bir daha uğurlar arzulayırıq.