Bir müddət əvvəl "Xəzər Lənkəran”da baş məşqçi dəyişikliyi baş verdi. Avropada az-çox tanınmış olan təcrübəli, rumıniyalı baş məşqçi Mirça Rednik, heç yerdə tanınmayan, uşaqlarla işləmək üzrə mütəxəssis olan Cüneyt Biçərlə əvəzləndi. Komandanın əksər azarkeşlərində etiraz doğuran bu dəyişikliyin öncəki günlərdə "Xəzər Lənkəran”a nə verəcəyi  açıq-aşkar bilinəcək. Zatən belə bir dəyişikliyin əvvəlcədən bilinən sıfıra bərabər nəticəsi olacağı çoxlarında şübhə doğurmur. İndi Antalyaya təlim-məşq toplanışına gedən komanda heyətinə ordan-burdan tanınmamış futbolçuları cəlb edib.

 "Cücəni payızda sayarlar” deyimini əsas götürüb, bir müddət əvvəl komandamızın baş məşqçisi olmuş, təcrübəli və tanınmış mütəxəssis Mirça rednik haqda bəzi nüanslara toxunaq. Əvvəlcə onu bildirək ki, komanda rəhbərliyi tərəfindən "Xəzər Lənkəran”a cəlb olunan belə bir mütəxəssisi əvvəllər qismən tanısaq da, onun "Xəzər Lənkəran”a gəlişindən sonra necə bir hərtərəfli insan və idman adamı olduğunun şahidi olduq. Onun futbol aləmi ilə əlaqələrindən danışmaq isə başqa bir söhbətin mövzusudur. Ölkəsində və Avropa turnirlərində bir çox məşhur komandaları diz çökdürmüş bu mütəxəssis haqda hələ biz çox şeyləri də bilmirik. Belə bir mütəxəssisi "Xəzər Lənkəran”a cəlb edənlərə həmişə alqış düşür demək olar. Amma bu səviyyəli mütəxəssisi komandadan didərgin salanlar isə həmişə lənətlə yad olunacaq.

Aşağıdakı LİNKlərdə əsasən Avropa divlərindən olan "Bayer” Leverkuzen, "Latsio" İtaliya və başqa komandaları, Mirça Rednik "Dinamo” Buxarestin baş məşqçisi olarkən necə diz çökdürdüyünün şahidi ola bilirik. Bu hələ "Dinamo" Buxarestin baş məşqçisi olan zaman onun qazandığı kiçicik uğurlardan bir neçəsidir. Onun digər komandalarda da çoxlu uğurları olmuşdur. Zaman-zaman onları da diqqətinizə çatdırmağı planlaşdırırıq. Belə bir mütəxəssisə istədiyi heyəti qurmaqda yardımçı olsaydıq, indi "Xəzər Lənkəran” gör kimləri diz çökdürürdü... Heyf... Biz gör kimi itirdik, qədrini bilmədik...

            http://www.youtube.com/watch?v=YJ00r69pY7I&feature=related

            http://www.youtube.com/watch?feature=endscreen&v=qjCPLkyluV0&NR=1

            http://www.youtube.com/watch?v=V7HwinxEZjs&feature=related

            http://www.youtube.com/watch?v=F1kf-JdJsqU&feature=related