Bu il keçirilən və "Birlik kuboku” kimi ad qazanan MDB və Baltikyanı ölkələrinin klubları arasında Rusiyanın Sankt-Peterburq şəhərində start götürən və 23.01.2011-ci il final oyunu ilə yekunlaşan turnir nəhayət başa çatdı. Bildiyiniz kimi bu ilki turnirdə Respublikamızı son çempionumuz "İnter” klubu təmsil edirdi. Təmsil edirdi deyəndə ki, layiqincə futbol sərgiləyən və sonda turnirin qalibi adını qazanan "İnter” klubu bu gün 24.01.2011-ci il saat təxminən 12³⁰  radələrində Sankt-Peterburq--Bakı aviareysi ilə H.Əliyev adına hava limanında yerə endi. Böyük zəfərə imza atmış komandanı hava limanında başda "İnter” azarkeşləri olmaqla digər klubların azarkeşləri də qarşılamağa gəmişdi. Həmişə dost münasibətdə olan "Xəzər Lənkəran” azarkeşləri də bu izdihamın içində "Bosman” fanklubunun nümayəndə heyəti ilə təmsil olunurdu.

            Hava limanında dost klubun azarkeşlərinin səmimi olaraq təbrik edən "Bosman” fanklubunun üzvləri bütün "Xəzər Lənkəran” azarkeşlərinin adından "İnter”li qardaşlarımızı təbrik edərək qarşılanma mərasiminin sonuna qədər iştirak etdilər. Onu da deyək ki, bir gün əvvəl "12-ci oyunçu” azarkeş qrupundan dost tapşırığı alan "Bosman” fanklubu eyni zamanda bu qarşılanma mərasimində onları da təmsil etmə hüququ almışdı və "12-ci oyunçu” azarkeş qrupunun bütün təbriklərini ünvanına çatdırdı.

            "İnter” klubunun bu il  turnirdəki çıxışını lazımınca işıqlandırdığına görə "İnter” azarkeşləri "Bosman.tk” və "12cioyuncu.com” saytlarına xüsusi olaraq təşəkkürlərini bildirdilər.

            "İnter” klubunun turnirdəki çıxışına gəlincə, onların ölkəmizi layiqincə təmsil etdiklərini düşünür və kuboku qazanana qədər keçirdiyi bütün qarşılaşmaları bir daha yada salmaq istərdik. Belə ki, qrup mərhələsini nəinki maksimum nəticə göstərərək 9 xal topaldı, hətta qrup mərhələsində rəqib qapılarına 7 top vurmasına baxmayaraq, öz qapısında 1 top belə görmədi. Bundan sonra ¼ və ½  final görüşlərini də parlaq qələbə ilə top buraxmadan irəliləyən komandamız finala vəsiqə qazandı. Final görüşünün əsas və ekstra vaxtında da hesab açılmadığına görə, qalibi müəyyənləşdirmək üçün penaltilər seriyasından istifadə olundu. Beləliklə turnirin sonuna qədər "İnter” klubu bütün oyunlar zamanı öz qapısında top görmədi. Bu turnirin tarixində yadda qalan ilk oldu. Penalti seriyalarında 6:5 hesabı ilə qalib gələn komandamız turnirin qalibi adını qazanaraq "Birlik kuboku”nu başı üzərinə qaldirdı.

            Bu "Birlik kuboku”nun Azərbaycana üçüncü gəlişi olsa da, əvvəlki iki gəlişdən yuxarıda göstərdiyimiz top buraxmamaq xüsusiyyətilə fərqləndi. Digər bir xüsusiyyət isə ondan ibarət idi ki, "Neftçı” və "Xəzər Lənkəran” kuboku yerli mütəxəssis olan Ağasəlim Mircavadovun rəhbərliyi altında qazanmışdısa, "İnter” bu kuboku sükanı arxasında əcnəbi mütəxəssis olan Kaxaber Tsxadadzenin rəhbərliyi altında əldə etdi. "İnter” azarkeşlərinə bundan sonra da müvəffəqiyyətlər arzu edərək, turnir boyunca "İnter”in keçirdiyi bütün oyunların nəticələrini aşağıda göstəririk:

            Qrup mərhələsi

1. "İnter” 3-0 "Neftçi”      (Qırğızıstan)

2. "İnter” 3-0 "İstiqlol”     (Türkmən)

3. "İnter” 1-0 "İskra Stal” (Moldova)

            ¼ Final mərhələsi

"İnter” 4-0 "Mika”            (Ermənistan)

            ½ Final mərhələsi

"İnter” 5-0 "Zenit”            (əvəzedicilər Rusiya)

                      Final

"İnter” 0-0 "Şaxtyor” (Belarus) 6-5 (penaltilər seriyası)