Bildiyimiz kimi bu gün Nyon şəhərində yerləşən, UEFA-nın mənzil qərargahında 2012/2013-cü illəri əhatə edən Avropa kuboklarının ilk iki mərhələsinin püşkü çəkilib. Bu, həm  Çempionlar Liqasının və həm də Avropa Liqasının cütlüklərini müəyyən edib. Ölkəmizi Çempionlar Liqasında "Neftçi”, Avropa Liqasında isə "Bakı”, "İnter” və "Xəzər Lənkəran” klubları təmsil edəcək. Belə demək mümkünsə, bu il püşk klublarımızın üzünə gülüb. Belə ki, "Neftçi”nin ilk rəqibi Gürcüstanın "Zestafoni” klubu olub. Avropa Liqasında isə "Bakı” klubu Sloveniyanın "Mura” klubu ilə, "İnter” Estoniya təmsilçisi "Trans”la, "Xəzər Lənkəran” isə daha bir Estoniya təmsilçisi olan "Nomme Kalyu” ilə ilk təsnifat mərhələsində görüşəcək. Onu da qeyd edək ki, "Nomme Kalyu” Estoniya paytaxtı Tallin şəhərinin təmsilçisidir.

"Nomme Kalyu”

Tam adı:           Mittetulundusühing Jalgpalliklubi Nõmme Kalju

Ləqəb:             Çəhrayı Pantera

Əsası qoyulub: 1923,  Yenidən bərpa olunub 1997

Stadionu:          "Xiyu”

Stadionun tutumu:         500 Tamaşaçı

Prezidenti:        Kuno Tehva

Məşqçi:            İqor Prins

İştirak edir:       Меystriliqа (Estoniya Güclülər Dəstəsi)

"Nomme Kalyu” (MJ Nõmme Kalju) — Tallin şəhərini təmsil edən Estoniya futbol klubudur ki, hazırda Меystriliqаda (Estoniya Güclülər Dəstəsi) çıxış edir. Bu klubun əsası 1923-cü ildə qoyulub. Yenidən isə müasir tələblərə cavab vermək üçün bir daha 1997-ci ildə təkrarən əsası yenilənib ki, bununla da komandanın əsas hissəsini Tallin şəhərinin yetişdirmələri olan futbolçular və  «Noorte Hääl» qəzetinin əməkdaşları təşkil edib Ev oyunlarının keçirildiyi stadion "Xiyu” adlanır və 500 azarkeş tutumuna malikdir.

Tarixi ekskursiya etdikdə 1997-2004-cü illərdə klub ölkənin 3-cü liqasında yarışıb. 2005-ci ildə 2-ci liqaya vəsiqə qazanan "Nomme Kalyu”, növbətiu il üçün "Esiliqa”ya vəsiqə qazanıb. Bununla da "Nomme Kalyu” ilk dəfə olaraq "Meystriliqa”ya vəsiqə əldə etmiş olub. 2008-ci ildə komanda 4-cü yeri tuta bilib. Avropa Liqası yarışlarına isə 2009/2010-cu illərin yarışlarını əhatə edən mövsümdə qatılıb. 2009-cu ilin yazında komanda ölkə kubokunun finalına yüksəlib. 2011-ci ildə komanda çempionatın gümüş mükafatçısı olub. Bununla da 2012/2013 Avropa Liqası mövsümünə vəsiqə qazanıb.