Çempionatın
final mərhələsində iştirak etmək üçün 56 komanda sifariş vermişdi. İlkin
oyunlar ərəfəsində 5 ölkə öz namizədliyini geri götürdü. Lakin 51 iştirakçı da
dünya çempionatları üçün rekord rəqəm idi.

            Braziliya çempion, Çili isə ev sahibi
olduğuna görə ilkin oyunlar keçirmədilər. Müxtəlif Qitələrdə seçmə oyunlar
keçirildi. Dünya çempionatına vəsiqəni təmin etmiş komandalar püşk yolu ilə
çempionatın qruplarına salındılar.

            A qrupu:
SSRİ, Yuqoslaviya, Uruqvay, Kolumbiya

            B qrupu: AFR, Çili, İtaliya, İsveçrə

            C qrupu:
Braziliya, Çexoslovakiya, Meksika, İspaniya

            D qrupu:
Macarıstan, İngiltərə, Argentina, Bolqarıstan

Əlavə
oyunlar keçirilməsinin qarşısını almaq üçün nəzərdə tutulmuşdu ki, komandalar
eyni miqdarda xal toplasalar, üstünlük topların daha yaxşı nisbətinə malik olan
kollektivə veriləcəkdi.

            Üçüncü yer uğrunda oyunda Çili
futbolçuları Yuqoslaviya komandasına 1-0 hesabı ilə qalib gəldilər. Yeganə top
oyunun əsas vaxtının qurtarmasına 40 saniyə qalmış vuruldu. Roxasın uzaqdan
vurduğu top müdafiəçiyə dəyərək istiqamətini dəyişdi və qapıdan keçdi.

            Braziliya və Çexoslovakiya
komandaları arasında final oyunu ilk dəqiqələrdən qarşılıqlı hücumlarla keçdi. Hesabı
15-ci dəqiqədə çexoslovakiyalı Masopust açdı. Cəmi iki dəqiqə sonra Amarildo
hesabı bərabərləşdirdi. 69-cu dəqiqədə Amarildonun ötürməsindən sonra Zito öz
komandasını hesabda irəli çıxardı. 78-ci dəqiqədə isə hesab 3-1 oldu (Vava). Braziliyalılar ikinci dəfə dünya çempionu oldular.

********************************

            Daha sxematik olaraq bax

********************************

            Videonu izlə