Cümə Axşamı, 04/İyun/2020, 05:17
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Mart 2013  »
BazarB.eÇ.aÇ.C.a.CŞə
     12
3456789
10111213141516
17181920212223
24252627282930
31

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2013 » Mart » 17 » Yazpartak, Qələmcikkator və Con
18:52
Yazpartak, Qələmcikkator və Con


            Deyirlər dünya futbolunda tanınmışlardan biri var ki, onu "Xəzər lənkəran”a gəlməyə razı salıblar. Adı Condur,  tam isə Con Benjamin Toşakdır. Bu yaz günlərində onunla razılaşıb komandanın başına gətiriblər. Zarafat bir yana qalsın, kişi dağ boyda "Real” Madridin, "Real” Sosyedadın, nə bilim "Sent Etyen”in Uels millisinin, Makedoniya millisinin baş məşqçisi işləyib. Millilərlə çempion olmasa da, işlədiyi klubların çoxunda çempionluq da yaşayıb, əsasən kuboklar qazanıb. Hə.., ona kubokbaz Toşak da demək olar. Yəqin bu mövsüm yalnız kuboka ümidi qalmış "Xəzər lənkəran” seçimində bunu da nəzərə alıb.

            -Hə, dostum düz deyirsən. Bu gün onu "Hilton” otelində ictimaiyyətə də təqdim etdilər və oradan Lənkərana yola saldılar. Deyilənə görə həm təyyarə limanında, həm də Lənkəranın girəcəyində onu qarşılamaq üçün bir xeyli adam da çıxıb.

-Əşşi, çıxıb, çıxıb da... Vaxt var idi, Redniki də qarşılamağa çıxırdılar, axırı nə oldu? Axırda görmədin onları necə məcbur edib, Yunisçin qurban da kəsdirdik! Sən indikinin halından danış. Danış görək bunun üçün nə fikirləşirik?

-Nə fikirləşəcəyik? Bir az səbrin olsun da... Qoy bir az işləsin sonra baxarıq.

-Nəyə baxacağıqe... Görmürsən artıq başlayıblar? Biri deyir qocadır, o biri vare... bildin də kimi deyirəm? O da deyir ki, karyerasının eniş dövrünü yaşayır. Nə olsun, vaxtı ikən filan yerlərdə işləyib. Bura bizim məmləkətdiye... səninçün Avropa zad deyil. Bura bizlikdi... Nə istəsək onu da edəcəyik. Özün də bilirsən ki, dəxli yoxdu, "Xəzər”ə kim gəldi baxırıq bəyəm? Bir ucdan başlayırıq gedir də. Torbanı deyirəm ə... fikrin məndə olsun!  Birincisi, əcnəbidir adı elə üstündədir. Birinci variant işlənəcək. Yəni əcnəbidir, bura pul üçün gəlib. Həm qocadır, həm də eniş məsələsi. Qardaşlar artıq başlayıblare... Yatma! Əə... səninləyəm, yatma!

-Yox, vallah yatmamışam, sadəcə fikirləşirəm. Onun mətbuat konfransında dediklərini çək-çevir edirəm. Sən də fikir verdin, nələr dedi?

-Hə, "zapis” də eləmişəm, narahat olma.

-Bir "zapis”ə qulaq as. Ona millinin oyunlarının komandalara təsiri ilə bağlı sual verildikdə bilirsən nə dedi? Dedi ki, düzdü milliyə hamımız kömək etməliyik. Ancaq, mənim üçün, fikir ver gör nə deyir, "Ancaq mənim üçün yağlı çörək "Xəzər Lənkəran” olduğundan, onun nəticəsini düşünürəm”. Gördün özü, öz dili ilə deyir ki, bura pul üçün gəlib. Gör "Xəzər”ə necə yağlı tikə kimi baxır?! Özü də sonra transferlər haqqında danışanda da deyir ki, "dadlı yerli məhsul olandan sonra, niyə supermarketə üz tutaq?” Daha bilmir ki, dadlı yağlı çörəyə, burda yağlı fətir deyirlər. O, da az-az ələ düşür.

-Onun fikri yavaş-yavaş mənə aydın olur. Diqqətlə qulaq as, o bura pul qazanmağa gəlib.

-Əə... sən də bəsdi də... Guya yerlilər havayı işləyir? Sən də bezdirdine...

-Yox qulaq as, o komandaya yağlı fətir kimi baxır. Buradan yaxşı pul aparandan sonra da aparıb Britaniyanın supermarketlərində xərcləyəcək. Bir də bilirsən, onu "Beşiktaş”dan qovmaq istəyəndə nə etdilər? Fasilə zamanları başlayan kimi bütün Türkiyə mediası, onun İspaniya səfərindən yazırdı və hətta telekanallar da bu səfərlərlə bağlı süjetlər göstərirdi. Yadına gəlir? Əşşi, sən belə şeylərə diqqətli deyilsən, ona görə haradan yadına gəlsin ki? O, İspaniyada işləyərkən özünə bir ispan sevgili tapmışdı. Hər fasilə vaxtı tez İspaniyaya gedirdi. Axır vaxtlarda bir neçə dəfə ispan sevgilisini də Türkiyəyə gətirmişdi ki, bunu da telekanallar dənizkənarı gəzintiləri zamanı uzaqdan çəkmişdilər. Sonra da düşdülər üstünə ki, o daha "Beşiktaş”a fikir vermir, vaxtını ancaq İspan gözəlçəyə sərf edir. Belə-belə onun torbasını türkcə tikdilər. Bizə nə gəlib, torba tikməkdə onlar məgər bizə çata bilərlər? Elə Rednikə tikilən torbanın ilmələrindən biri də belə deyildi? "Doman məsələsi”

-Əşşi Rednik cavan idi. Özün deyirsən ki, Toşak qoca kişidir.

-Belədə  də deyərəm ki, "şir nə qədər qocalsa da elə şirdir”.

-Onsuz da, özün də bilirsən ki, bizimki ancaq araqarışdırmaqdır. Yuxarılardan nə dedilər birtəhər aranı qarışdırıb beş-on manatımızı almaqdır. Çörək qazanmaq ayıbdır bəyəm? Toşak yağlı fətir yeyəcək, biz bu bayramın vaxtında, qoğal, şəkərbura, paxlava lazım olan vaxtı, bir tikə yavan çörək də yeməməliyik?

-Döyüşmək lazımdır. Düzdür biz heç vaxt Spartak kimi döyüşə bilmərik. Axı biz yazarıq. Ona görə də biz Spartak ola bilmərik. Olsa-olsa özümüzə təsəlli üçün Yazpartak deyə bilərik. Bir də ki, Spartak və tərəfdarlarının silahı var idi. Silahla döyüşdüklərindən onlara Qladiatorlar deyirdilər. Bizimsə, silahımız qələmdir. Daha doğrusu əsl qələm, şər-böhtan yaza bilmədiyindən, bizim əlimizdəkinə qələmcik deyirlər. Bu üzdən də biz silahlı qladiator yox, qələmcikkatorlu Yazpartak ola bilərik. Sən də bilirsən ki, Qladiatorlar döyüşə gedəndə öz qəhrəman marşlarını oxuyurdular. Mən isə özümüz üçün bu marşı yazmışam. Gəl birlikdə oxuyaq və "mübarizəyə başlayaq.”     

     

Məqsədimiz bilinmir, biz hər şeyə qarşıyıq,

Döyüş silahımız var, işlətməkdə naşıyıq!

Ura! Ura! Qışqırın! çıxaq yenə döyüşə,

Ya, salarıq təşvişə, ya düşərik təşvişə.

 

Mirhafiz Babayev

Views: 392 | Added by: BOSSMAN | Dərəcələndirmə: 0.0/0
Cəmi Şərhlər: 0
Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz