09 mart 2013 cü il Con Benjamin Toşakın "Xəzər Lənkəran”a gətirilməsi ilə əlaqədar Sportal.az saytı fanklub rəhbərləri və bir sıra azarkeşlərlə müsahibə təşkil edərək bu məsələyə onların münasibətini öyrənməyə çalışıb.

Sportal.az ""Xəzər Lənkəran" azarkeşləri Toşakın gəlişi haqqında nə dedi? " başlığı altında təqdim olunan fanklub rəhbərləri və azarkeşlər arasında mənim də adımdan münasibət dərc olunub. İctimaiyyətin diqqətinə çatdırmaq istəyirəm ki, mənim adımdan bu saytda təqdim olunmuş münasibətin mənimlə qətiyyən əlaqəsi yoxdur və mən belə bir müsahibə verməmişəm. Adıçəkilən saytla əlaqə saxlayıb bunun düzəldilməsini xahiş etmişəm. Həmçinin "Bosman” fanklubunun rəsmi saytından və oxucu kütləsi geniş olan "12cioyuncu.info” saytından xahiş edirəm ki, bu məsələyə aydınlıq gəlməsi üçün mənim müraciətimi dərc etsinlər. Aşağıda mənim adımdan Sportal.az saytında gedən həmin yanlış açıqlamanı isə ictimaiyyətin diqqətinə çatdırıram.

Mirhafiz Babayev "Bosman” fanklubunun rəhbəri           09.03.2013

Con Toşakın "Xəzər Lənkəran"a baş məşqçi təyin edilməsi hamı üçün sürpriz oldu. Lənkəranlı azarkeşlər də bu təyinatdan razı qalıblar. Sportal.az olaraq azarkeşlər arasında sorğu keçirdik və münasibətlərini öyrəndik.

Mirhafiz Babayev ("Bosman” fan-klubu): "Çox yaxşı qarşladım. Toşakın gəlişi bizi sevindirir. O uğur qazana bilər. Amma komandada bir sıra islahatlar getməlidir. Əslində komandamız uçurumda deyil. Sadəcə futbolçular psixoloji cəhətdən problem yaşayırlar. Bakes də pis məşqçi deyildi. Amma onlara şərait yaradılmadı işləmək üçün. "Xəzər Lənkəran”da oynayan futbolçular kifayət qədər səviyyəli futbolçulardır. Bu həmin futbolçulardır ki, "Neftçi”ni, "Qarabağ”ı məğlub etmişdilər. Komandada sağlam psixoloji mühit yoxdur. Mən inanıram ki, biz gələn il "qızıl dubl” edəcəyik. Buna hamı çalışsa, alınacaq. Sadəcə komandanın ikinci "altılığ”a düşməsi azarkeşləri komandadan küsdürüb. Komanda bu uğursuzluğu unutdurmaq üçün əlindən gələni edəcək ki, kuboku alsın. Toşaka inanırıq, o kifayət qədər güclü məşqçidir.