Çərşənbə Axşamı, 26/May/2020, 10:40
BOSMAN Fanklubunun Rəsmi Saytı
Baş Menyu

Saat

Facebookda Paylaş
Share on Facebook

Kalendar
«  Avqust 2011  »
BazarB.eÇ.aÇ.C.a.CŞə
 123456
78910111213
14151617181920
21222324252627
28293031

Qiymətləndir
Saytımız Necədir?
Cəmi Qiymət: 547

Statistika

Cəmi Onlaynda: 1
Qonaqlar: 1
İstifadəçilər: 0

Daxil Ol

Baş Səhifə » 2011 » Avqust » 2 » “Yanlış hədəf”də, Yanlış hədəf
17:55
“Yanlış hədəf”də, Yanlış hədəf

             

 "Sport Favorit” qəzetində Əlisahib adlı birisinə aid "Yanlış hədəf” yazısı dərc olunub. Düzü buna internet səhifələrində rast gəldik. Qarışıq fikirlərlə dolu bu yazı "Xəzər lənkəran” komandasına aid olduğundan cavab verməli olduq.

"Mircavadov uduzanda pisdi, Rednik isə ilə 3 heyət dəyişəndə yaxşıdı?” yarımbaşlığı ilə yazıya başlayan müəllif, daha sonra qəzetin ötən sayında "Axmaq olma!” yazısına oxucuların münasibəti ilə davam edib. Sonra, "qəzetdə çıxan köşə penalti.az-da yerləşdiriləndən sonra dostumuz Ceyhun Rzayevin saytına bir xeyli şərh gəlib. İstisna eləmirəm ki, yazıya münasibət saytda verilən şərhlərdən də artıq olub, qardaşımız müəyyən etik normaları keçmək istəməyib. Yenə sağ olsun ki, obyektivliyini bu dəfə də qoruyub, fikir plüarizmini boğmayıb.” Zatən plüralizm sözünü belə düz yazmayan müəllif başqalarında hansı məntiqlə səhv tuta bilər?

Daha sonra o, yazır: "Mən şərhlərlə bir-bir tanış oldum, razılaşdığım və razılaşmadığım nüanslar var. Təəssüfləndiyim odur ki, müxtəlif link istifadəçiləri yazıya emossional (burada bir "s" hərfi olmalıdır)və birtərəfli münasibət bildirib, məni «Xəzər Lənkəran»ın pulunu saymaqda, ara qatmaqda və antiRednikçi olmaqda suçlayıb.” -Bununla da müəllif əslində cəfəng fikirlərinin heç kim tərəfindən qəbul olunmadığını dolayısı yolla təsdiq etmiş olur.

Daha sonra, "Əlbəttə, hər yazarın hadisələrə öz yanaşma tərzi, rəyi var. Mən müşahidələrimin üstünə bildiklərimi də gəlib, «Makkabi» məğlubiyyətinədək və ondan sonra qalaqlanan problemlərin mahiyyətinə baş vurmuşam. Yenə deyirəm, özünü cənub zonasında Aygün Kazımovadan məşhur hesab edən 1-2 höccətşünas rumın baş məşqçini mələk libasında insanlara sırıyır və yer-yerdən hay-küy salırlar ki, «Xəzər»in nicatı varsa da, yoxsa da bu adamladı. Bu da bir yanaşmadı və mən son olaylara fərqli yöndən göz gəzdirmək istəyənlərin düşüncələrinə hörmət bəsləyirəm. Sadəcə, fikirləşdiklərini «əsl həqiqəti biz deyirik» şəklində gözə soxmaqlarını qəbul etmirəm. Üç-dörd il öncə Ağasəlim Mircavadovun ətəyindən öpənlərin bu gün məni ona vəkillikdə qınamasıyla isə ümumiyyətlə, barışmıram. Şərhlərdə mənə güllə atanlara xatırlada biləcəyim çox fakt var. Mircavadovlu «Xəzər»in  AFFA-nın, hakimlərin aşkar dəstəyi ilə 2007-də çempion olduğunu mən də yaxşı bilirəm, siz də pis bilmirsiz. Mən bundan yazanda, klaviaturada hərflərin yerini indi öyrənənlər o günləri Qəbələdə Ağasəlim bəyi Fatih Terimin eşitmədiyi bəzəkli şüarlarla qarşılayıb, alınan oyundan sonra da qucaqlarında atıb-tuturdu. Mais Mənsimovun qucaq-qucaq puluna çempion olan komandanı gecəyarısı «Azneft»də zurna-balabanla qarşılayanda niyə demirdiz ki, bizə belə uğur lazım deyil? Mircavadov uduzanda pisdi, Rednik isə ilə 3 heyət dəyişəndə yaxşıdı? –deyə fikirlər səsləndirir. Buna cavab olaraq onu demək istəyirik ki, onunla razıyıq ki, hər yazarın hadisələrə öz yanaşma tərzi var. Amma bu yanaşma tərzi, obyektiv olmalı, təhqirə yol verilməməli, ən əsası isə məntiqli və düzgün araşdırılmış olmalıdır. Yoxsa, dediyiniz 1-2 nəfəri qadına bənzədib, Aygün xanıma belə həqarət edirsiniz! Sonra özündənrazı və eqoistcəsinə "Mən bundan yazanda, klaviaturada hərflərin yerini indi öyrənənlər”-ifadəsi işlədirsiniz. Bəlkə, inkişafın özündənsonrakıların daha da irəli getməsinə bağlı olduğunu belə inkar edirsiniz? Və ya Məhəmməd Fizuli, Nizami Gəncəvi klaviaturanın nə olduğunu bilmədən dahi deyillərmi? Görürsünüz ki, biz burda Xurşidbanu Natəvan adını qeyd etmədik. Amma siz fikriniz qabarıq çıxsın deyə, Aygün Kazımovanın adından belə istifadə edirsiniz. Bu ayıb deyilmi? Belə insanları höccətşünas adlandıran müəllif, onları Rednikin insanlara sırımasında günahkar sayır. Əlisahib, onu demək istəyirik ki, insanların zehni kor deyil. Onlar kimi sevməyi və kimə nifrət etməyi yaxşı bilirlər. Siz kimlərinsə, fikirlərinə uyğun yaşayır və fəaliyyət göstərirsinizsə, bu sizin probleminizdir.

"Ağasəlim Mircavadovun ətəyindən öpənlər” ifadəsi də sizin öz psixologiyanıza xasdır ki, kiminsə ətəyini öpmək haqqında fikir yürüdürsünüz. Biz Ağasəlim Mircavadova onun "Xəzər Lənkəran”a qazandırdığı titullarına görə həmişə hörmət etmişik. Gedəndə də nəzərdə tutduğun adamlar onu hörmətlə yola salıb. Çünki, biz haqq itirən adamlar deyilik. Qaldı ki, bəlkə "Birlik Kuboku”nu da "Xəzər Lənkəran” necə qazanıb fikrinə kölgə salasız? Özünüz kölgədə oturub, günəş altında əziyyət çəkənlərə qara yaxmayın! Bəli, biz sevdiyimiz komandamızı "Azneft”də də "Göyşaban” dairəsində də qarda da, isti günəş altında da gözləyərək qarşılamışıq. Təki, "Xəzər Lənkəran”  səfərdən evə dönsün. Qaldı ki, ildə üç dəfə heyət dəyişdirməyə, bunu sonra dediyiniz "Styaua” və "Dinamo”nu çempion edən Rednik haqqında heç bir şeyi araşdırmadan söylədiyiniz absurd fikirlər də yalnız hansısa marağınıza görə bu yazını yazdığınızın göstəricisidir. Rednik "Styaua” və "Dinamo”da işləyərkən araşdırsaydınız görərdiniz ki, bu komandaları çempion etmək üçün o, heç də bu qədər heyət dəyişikliyi etməyib. Buna stabil heyət qurmaqla nail olub. Bizdə niyə belə alındığını araşdırmadan boş fikirlər söyləməyiniz nəyə və kimə xidmət edir?

Ardıyca, -"Mən rumının haqqına girmirəm. «Styaua» və «Dinamo»nu ölkəsinin çempionu edəndən sonra Azərbaycanda da bu nəticəni təkrarlamağa layiqli komanda yaratmasıyla razıyam. Kim nə deyə bilər buna ki, rollar dəyişdi, yeni AFFA «Neftçi»yə «daydaylıq» eləmədi? Elədi, üstündən də bir bardaq neft qurtuldatdı. AFFA-nın niyyəti olsaydı ki, tərəfkeşsiz çempionat keçirilsin, ya «Xəzər Lənkəran», ya da «Qarabağ» birinci yerdə lövbər salmışdı. «Neftçi» öz gücünə arxalansaydı, ilk «altılığ»a ancaq vəsiqə qazanardı. Məqsəd bu deyildi deyə, mövsümboyu rəqibləri elə sıxma-boğmaya salmadılar ki, rahat nəfəs alsınlar. Gözlərini açmaq istədilər, başlarından vurdular. Səslərini çıxarmaq istədilər, dillərini kəsdilər. Başlarını yuxarı qaldırmaq istədilər, «Domokl qılıncı»na ilişdilər.

Rednik bütün bu təzyiqlərə, məhrumiyyətlərə, dördtərəfli zərbələrə dözdü. Amma o, tək deyildi. Qurban Qurbanov və Nazim Süleymanov, hətta Kaxaber Sxadadze ilə Aleksandr Starkov da fərqli-fərqli çevrələrin yumruq zərbələrindən qaça bilmədi. Rednik Rusiyada 3 ay işləmişdisə, hardasa təxmin etməliydi ki, odlu-alovlu Vladiqafqazın bir addımlığındakı respublikanın futbol həyatı nə cür «qaynaya» bilər.” –deyirsiz.

Bunu deyərkən hiss etmirsinizmi ki, özünüz-özünüzü inkar edirsiniz? Siz, Rednikin bu qədər təzyiqlərə dözərək uğur qazandığını və əgər müəyyən qüvvələrin ona mane olmayacağı təqdirdə ya "Xəzər Lənkəran”ın ya da "Qarabağ”ın zirvədə oturacağını deyirsiniz. Elə isə hansı məntiqlə Redniki xilaskar qismində görənləri qınayırsınız? Burda məntiq varmı hörmətli, klaviatura ustası? 

Ən sonda, "Mais Mənsimovu da, qardaşını da pis tanımıram. Onların pulunu Höccət sayır, höccətşünaslar dartışdırır. Rednik də görür bunu, Pitsurka-mitsurkaları, Kopil-mopilləri «Xəzər»ə təpdirir. Ən qəribəsini isə fanatlıq həddini də tapdalamış 5-10 nəfər edir. Deyirlər, komandanın içindən Rednikə qarşı təxribat olmasaydı, «Makkabi» onları uda bilməzdi. Rumının özü isə «kuboku qazandığımız heyətlə ilkin mərhələni keçərdik» ifadəsini güclə dilinin altından çıxarmır. Gəl, tap ki, düzünü deyən Rednikdi, yoxsa «getmə özündən, gedərəm özümdən» fəryadı edən tərəfdarı!?

NOT: Stadiona «bezbilet» giriş-çıxışı olan höccətşünaslardan biri Lənkəranda şayiə yayıb ki, Rednikin pula ehtiyacı yoxdu, onun ölkəsində böyük bankı var. Həə, bunu mən bilmirdim. İşdi-şayəd, adını öyrənsəm, bankın xeyriyyə hesabına 5-10 avro köçürərdim. Ki…”- fikirləri ilə bu cəfəng yazınızı bitirirsiniz.

Bununla əlaqədar onu deyə bilərik ki, Mənsimovlar Azərbaycana yeni futbol fəlsəfəsi olan "Xəzər Lənkəran” komandasını bəxş etdilər. Bu minlərlə insanın sevgisinə çevrildi. Pullarını isə necə xərclədiklərinə nə siz nə də heç kim qarışa bilməz. Çünki kişi olan şəxs ancaq öz cibini saya bilər. Stadiona "bezbilet” giriş-çıxışı olan deyəndə kimi nəzərdə tutursunuz? . Amma biz "Bosman” fanklubu olaraq, indiyə qədər stadiona girməyin yolunu ancaq kassadan bilet almaqda görmüşük. Pulunu da cibimizdən ödəmişik. Hələ heç kim bir qəpik barədə heç bir iddia edə bilməz. Rednikə qarşı isə biz yalnız şahidi olduqlarımızı demişik. Daha hər hansı bir eşitdiklərimizi yox!  Siz isə "Gəl tap görüm kimdir haqlı?"-deyirsiniz. Əgər haqlının kim olduğunu bilmirsinizsə, onda fikir yürütməyin və heç kimi günahlandırmaq fikrinə düşməyin. "Ən qəribəsini isə fanatlıq həddini də tapdalamış 5-10 nəfər edir.”- Deyəndə, siz yəqin ki, fanatlığı ancaq oyun zamanı bir qrup gəncin çılğınlığında görürsünüz. Ancaq əsl fanat komandasına nəinki oyun zamanı, hər an, hər dəqiqə kömək olmalıdır. Ona qarşı olan hər şeyi dəf etməyə hazır olmalıdır. Bunu bilmək üçün nəinki bizim fanklublarda, eləcə də ölkənin digər komandalarının fanklublarında kifayət qədər ağıllı adamların və ziyalıların olduğunu nəzərdən qaçırmayın.

Deyirlər ki, Qiyamət günündə günahı olanların və tövbə edənlərin bağışlanması üçün 14-Məsum Allahdan ricalarını edəcək, onlara cəhənnəmə düşməmələri üçün sahib çıxacaqlar. Əlisahib bəy, siz də bilməyərək yazdıqlarınıza görə bu müqəddəs Ramazan günlərində tövbə edin ki, Əli (s.ə.a) sizə sahib çıxsın.

Qaldı ki, əziz "Xəzər Lənkəran” azarkeşləri, biz isə bu müqəddəs Ramazan günlərində oruca başlayarkən və iftar açarkən etdiyimiz dualara bunu da əlavə edək:-"Allahım, özün "Xəzər Lənkəran”ı əvvəlki kimi saxlamaq imkanında olan insanların ürəyinə rəhm sal. Qoy bizim bu sevgimizi bizə qaytarsınlar!”

Views: 386 | Added by: BOSSMAN | Dərəcələndirmə: 0.0/0
Cəmi Şərhlər: 0
Ancaq qeydiyyatdan kecəndən sonra şərh yaza bilərsiniz.
[ Qeydiyyat | Daxil Ol ]
Növbəti Matç

 

 Xəzər Lənkəran          İnter 


             Premyer Liqa XVTur

      04 Dekabr 2011. Saat 16:00

Turnir Cədvəli

Təsnifat Mərhələsi

Komandalar

O

Q

H

M

T-F

X

Xəzər Lənkəran

13

8

3

2

18-13

27

İnter

13 

11-7 

25 

Neftçi

13 

8

21-10 

25

Bakı  

13 

4

20-11 

22 

Qarabağ 

13

16-12 

21 

Qəbələ 

13 

13-16 

18 

AZAL 

13 

17-16 

16  

Simurq

13 

11-13 

15 

Rəvan 

13

16-17 

15 

Kəpəz 

13

16-22 

12 

Turan

13 

8-20 

10

Sumqayıt Şəhər 

13 

7-17 

 

 

 

 

 

 

 

 

 

 

 

 

 

 

 

 

 

 

 

 

 

 


Xəbərlər Arxivi

Facebook Səhifəmiz

CSGA © 2020Website builderuCoz