Komandamız
Salyanın "Muğan” klubunun kapitanı Elnur Abdullayevlə iki illik müqavilə
imzalamaqla qış dövrünün ilk yerli transferini gerçəkləşdirmiş oldu. Buradan
aydın olduğu kimi Elnur Abdullayev 31 Dekabr 2012-ci ilə qədər "Xəzər Lənkəran”ın
uğurları üçün tər tökəcək. "Muğan” klubunda da gözədəyən oyunu ilə seçilən
yarımmüdafiəçi, elə bu xüsusiyyətləri ilə məşqçilər korpusumuzun diqqətini çəkib.
Elnur Abdullayev "Muğan”dan əvvəl Bakının eyniadlı klubunda, həmçinin "Neftçi”
klubunda da top qovub.
Tam
rəsmi müqavilənin bu gün ya da sabah notariat qaydada təsdiq olunacağını
yarımmüdafiəçi belə açıqlayıb:-"İnşallah, sabah və ya biri gün anlaşmamız rəsmiləşəcək.
Əslində, müqavilə imzalamışam. Qalıb notariusda təsdiqləmək. "Xəzər Lənkəran”dan
pul alıb "Muğan”a verəcəyəm və transfer vərəqimi alacam. Kompensasiya elə
bölünüb ki, burda heç kimə yük düşmür”.
Elnur
Abdullayevə digər klublarımızdan təkliflər gəlsə də o, məhz "Xəzər Lənkəran”ı
seçməyini belə izah edib:- "Komandanın taktikasını bəyənirəm. "Xəzər Lənkəran”da
topla oyuna daha çox üstünlük verirlər. Təbii ki, bu da seçimimə təsir göstərdi.
Heç kim mənə start heyətində oynayacağım barədə söz verməyib. Rəqabət
aparacağam. Hər şey rəqabətdən asılı olacaq”.
Biz
də Elnur Abdullayevin komandamızda daha səviyyəli futbolçularla birgə oyundan
qazanacağı təcrübəni və bununla da "Xəzər Lənkəran”a daha çox xeyir verə biləcəyini
düşünərək ona komandamızda uğurlar arzulayırıq.
|