Hörmətli,
Höccət bəy Hacıyev! Bilirsiniz ki, "Xəzər Lənkəran” azarkeşləri nəinki ölkədə,
hətta Avropada da özünəməxsus çılğınlığı ilə seçilən azarkeşlərdir. Eyni
zamanda klub rəhbərliyi də doğma komandamız üçün əlindən gələni əsirgəmir. Həm
klub rəhbərliyinin və həm də azarkeşlərimizin etimadını böyük ölçüdə qazanmış
baş məşqçimiz Mirça Rednik isə öz peşəkarlığı və sair müsbət keyfiyyətləri nəticəsində,
komandamıza olan inamımızı daha da artırmışdır. Klub rəhbərliyi, Mirça Rednik
başda olmaqla bütün komanda və azarkeşlərimizin təşkil etdiyi "Böyük "Xəzər Lənkəran”
ailəsi” hər üç tərəfin bir-birinə qarşılıqlı inamı və etimadı nəticəsində bu
gün ən xoşbəxt günlərini yaşayır. Bu heç zaman uğur qazana bilmədiyimiz Avropa
turnirlərində İsrailin Təl-Əviv təmsilçisi "Makkabi” ilə II təsnifat mərhələsinin
ilk oyununda bizlər üçün böyük üstünlüyümüzdür. Məhz belə bir
zamanda komandamıza daha çox dəstək vermək və bu həyəcanı bütün azarkeşlərimizin
birlikdə yaşaması, həmçinin komandamızın bu çətin səfər oyunundan sərfəli nəticə
ilə geri dönməsi üçün daha bir qeyri-adi formada, özümüzəməxsus dəstəyimizi
nümayiş etdirmək üçün bizlərə kömək etməyinizi xahiş edirik. Biz "Bosman”
fanklubu və "12ci oyunçu” azarkeş qrupu olaraq, sizin köməyinizlə bu dəstəyimizi
14 iyul tarixində, saat 22:30-dan etibarən, yəni Təl-Əvivdə "Makkabi” – "Xəzər
Lənkəran” oyunu başlayarkən birbaşa stadiondan izləməyimiz üçün şərait
yaratmanızı xahiş edirik. Bunun üçün televiziyadan canlı olaraq verilən reportajı,
stadionun böyük ölçüdə olan monitoru vasitəsi ilə bütün "Xəzər Lənkəran”
azarkeşlərinin birlikdə izləməsi və bu həyəcanı birlikdə yaşaması üçün şəraitin
olmasını nəzərə alaraq, göstərilən tarixdə "Fırtınalar Meydanı”nın qapılarını
azarkeşlərimizin üzünə açmanızı rica edirik. Bu bəlkə də dünya futbol tarixində
bir yenilik olmaqla, azarkeşlərimizin komandaya olan böyük sevgisini nümayiş
etdirəcək və bu həyəcanı birlikdə yaşamalarına şərait yaradacaq. Həmçinin "Xəzər
Lənkəran” komandasını da bu barədə məlumatlandırmaqla, onlarda böyük motivasiya
yaradacaq. Onlar özlərini sanki səfərdə deyil, öz doğma meydanında olduğu kimi
hiss edərək matça çıxacaq. Həmçinin sıralarımıza yeni qoşulmuş futbolçularda
da, azarkeşlərin nə qədər komandanı sevdiyi haqqında fikir formalaşdıracaq.
Bütün bunlar qələbənin, sonda çətin bir rəqib olmasına baxmayaraq, mərhələ
adlamağın səbəbinə çevrilə bilər. Belə bir çətin məqamda baş məşqçimiz Mirça
Rednikə böyük dəstək vermiş olacağıq. Daim azarkeşlərin qeyri-adi dəstəyindən
ruhlandığını bildirən Mirça Rednik üçün bundan daha yaxşı nə ola bilər ki? Komandamıza
uğurlar arzulayaraq, sizin də hər zaman bu yöndə çalışmalarınızı əsas götürərək
müraciətimizi müsbət qarşılayacağınıza ümid edirik. Qələbələrimizin əsasını bir
yerqə hazırlayıb, bir yerdə şahidi olub, bir yerdə də sevinmək istəyirik. Hörmətlə:
"12ci Oyunçu” azarkeş qrupu və "Bosman” fanklubu 11 İyul 2011.
|