Avroliqanın II təsnifat mərhələsinin cavab oyununda "Fırtınalar Meydanı”nda  İsrailin Təl-Əviv təmsilçisi olan "Makkabi” klubu ilə qarşılaşacaq  "Xəzər Lənkəran” komandası sabah Bakıdan Lənkərana gələcək. Komandanı gətirən avtobusun saat 14:00-da Lənkəran şəhərinin girəcəyinə çatacağı gözlənilir. Lənkəran şəhərinin girəcəyində olan  "Göyşaban dairəsi”nin yaxınlığında  yerləşən "Böyük Samovar simvolu”nun yanında komandanın qarşılanma mərasimi keçiriləcək. Qarşılanma mərasimini "12ci Oyunçu” azarkeş qrupu və "Bosman” fanklubu öz üzərinə götürüb. Əlbətdəki, "Rəsmi Fanklub” və "Caspian Ultras”ın Lənkəran nümayəndələrinin də bu tədbirdə iştirak edəcəkləri gözlənilir.

Azarkeşlər futbolçuları qarşılayandan sonra isə komandanın avtobusunu "Fırtınalar Meydanı”na qədər maşın karvanı ilə müşaiyət edəcəkləri planlaşdırılıb. Bir daha qeyd edirik ki, qarşılanma mərasimi 17 iyul tarixində saat14:00-da həmişə olduğu kimi Lənkəran şəhərinin girəcəyində "Böyük Samovar simvolunun” yanında olacaq. Azarkeşlərimizə bu qarşılanma mərasiminin əhəmiyyəti haqqında bir daha xatırlatma olaraq bildirmək istəyirik ki, mərhələ keçmək baxımından komanda üzvlərinə ruh vermək üçün bunun nə qədər əhəmiyyətli olduğunu bilməmiş deyillər. Ən azı 2:0 qalib gələcəyimiz halda bunun mümkün olduğu faktı var. "Xəzər Lənkəran” bunu bacaracağına rəqib meydanında göstərdiyi oyunla əminlik yaradıb. Gəlin oyuna qədərki zaman kəsiyində bunu bacarmaq üçün komandamıza yardımçı olaq. Biz hər zaman komandamıza sadiqlik baxımından bənzəri olmayan azarkeşlər olduğumuzu çoxdan sübut etmişik.