Başlığı
belə adlandırmağımızın səbəbi "Xəzər Lənkəran”ın ilk həm də özünə yaraşmayan
ağır Gəncə məğlubiyyətini, rəqibin düzgün qiymətləndirilməməsi səbəbindən baş
verdiyini demişik. "Xəzər Lənkəran”ı 1:4 hesabı ilə üstələyən "Gəncə”, sonrakı
turda "Neftçi”yə səfərdə 2:6 olmaqla böyükhesablı biabırçı məğlubiyyəti və
ardıyca bu tur öz meydanında bu ərəfələrdə o qədər də yaxşı günlərini yaşamayan
"Bakı” klubuna 1:3 hesabı ilə daha bir böyükhesablı məğlubiyyəti bu fikri deməyə
əsas verir.
Bu
günki "Qəbələ” klubu ilə oyunda məğlubiyyətə gəlincə isə bu Gəncə məğlubiyyətindən
dediyimiz parametrə görə fərqli idi. Yəni bu gün rəqibi qiymətləndirmə
baxımından "Xəzər Lənkəran” səhvə yol verməmişdi. Komandamız oyuna məsuliyyətli
hazırlaşmışdı. Bu oyunun ilk dəqiqələrindən sona qədər aydın görünürdü.
Komandamız sona qədər döyüşkən ruhda çıxış etdi, lakin alınmadı. Burada "Qəbələ”
klubunun əvvəlki vaxtlara baxanda oyun səviyyəsini xeyli artırmasının da rolunu
qeyd etmək lazımdır.
"Xəzər
Lənkəran” isə futbolçu qıtlığının əziyyətini çəkdi desək yanılmarıq. Bura Emeka
Opara, Dieqo Qusmao – Souza, yaxın günlərdə komandamızla yollarını ayıran Dieqo
Ruisin yoxluğu və bu matçda Uinston Parksın da birinci hissədə iki dəfə ardıcıl
zədə alaraq hissənin sonuna yaxın əvəzlənməsini də əlavə etsək, xüsusən hücum xəttimizin
böyük itkiyə məruz qaldığını söyləyə bilərik. Elə komandanın sona qədər döyüşkən
ruhda oynaması, lakin rəqib qapısına yol tapa bilməməsi hücumçu qıtlığının
olmasının göstəricisidir. Yeganə hücumçu Xaqani Məmmədovun isə oyun praktikası
baxımından əziyyət çəkdiyi aydın hiss olunurdu. Komandamız döyüşərək uduzdu desək
yanılmarıq. Təki döyüşkənlik ruhu komandamızda əskik olmasın. Döyüşkənlik
olacaqsa, qələbələr də olacaq. Biz komandamıza inanırıq. Çempionatın sonuna hələ
kifayət qədər vaxt var. Komandamızın yeni transferlərlə güclənəcəyi vaxtı isə səbirsizliklə
gözləyirik. Bu heyət çempionluq üçün yetərli deyil. İnanırıq ki, yeni transfer
dönəmində Mirça Rednik komandamıza gəldiyi zaman vaxt azlığı kimi bir səbəb yaşamayacaq
və istədiyi heyəti qura biləcək.
Hakimin
idarəçiliyinə gəlincə, Fariz Yusifovun idarəçiliyini normal qiymətləndirmək
olar. Əvvəlki idarəçiliyində "Xəzər Lənkəran”ın xal itkilərinə səbəb olan bu
hakimin, bu gün komandamızın məğlubiyyətində rolu olmadı. Görünür, ""Fariz
Yusifov "Xəzər Lənkəran”ın oyunlarına təyinat almasın” adlı yazımızda göstərilən
səbəbləri nəzərə ala bilmiş və onun oyunu düzgün idarə edəcəyi təqdirdə düzgün başa düşüləcəyi haqda
özü də düzgün nəticə çıxarmışdır.
|