”Xəzər Lənkəran” yanvarın 13-də
Antalyada yığışacaq
Cari mövsümün ikinci hissəsinə hazırlıq məqsədi
ilə "Xəzər Lənkəran” Türkiyənin Antalya şəhərinə yola düşəcək. Komandamızın təlim-məşq toplanışı 13 yanvar tarixində
başlayıb 5 fevralda bitəcək. Qış fasiləsi dönəmində komandaya bütün mövqelər
üzrə yeni futbolçuların da cəlb olunması nəzərdə tutulub. Bu məqsədlə bir sıra
futbolçu komandanın düşərgəsində baxışdan keçəcək.
Toplanış
çərçivəsində bir neçə sınaq oyununun keçirilməsi planlaşdırılıb. Belə ki, "Xəzər Lənkəran” 19 yanvar tarixində Moldovanın
"Rapid” klubu, 22 yanvar tarixində Ukraynanın "Krivbass” klubu, 30 yanvar
tarixində isə Çexiyanın "Pribram” klubu ilə yoldaşlıq görüşləri keçirəcək.
Bundan başqa, komandamızın 26 yanvar və 2 fevral tarixlərində daha iki
yoldaşlıq görüşü keçirəcəyi məlum olsa da, rəqiblər hələlik dəqiqləşməyib.
Xatırladaq
ki, komandamız bu müddət ərzində Antalyada məşhur "Ela Quality Resort Hotel”-də
qalacaq.
Mənbə: "Lankaranfc.com”