Bəzi informasiyalara görə dünən "Xəzər Lənkəran” komandasının bütün heyətini, Təl-Əviv aeroportunda müxtəlif bəhanələrlə saxlayaraq onları xeyli vaxt ərzində yubatmış olublar. Hətta gecə saat 3-də Təl-Əviv aeroportuna enən komandamızın futbolçuları, səhər sasat 7-yə qədər burada boşuna vaxt itirmişlər. Dünya praktikasında belə oxşar hallara rast gəlinsə də, bu hal heç də ürəkaçan deyil. Adətən bu, məsul oyun öncəsi rəqib komandaya mənfi psixoloji təsir etməsi üçün nəzərdə tutulur. Lakin komandamızın azarkeş və başqa rəsmi üzvlərinin də geri qaytarılması bir yana, hətta futbolçularımıza belə əngəl yaratmaları sual doğurur.

            Bir müddət əvvəl "Xəzər Lənkəran” klubunun Avstriyadakı təlim-məşq toplantısı zamanı Kosova klubu olan "Trepça” ilə yoldaşlıq oyununun baş tutmaması səbəbini yəqin ki, hamı xatırlayır. Belə ki, Arərbaycan Respublikasının Xarici İşlər Nazirliyi ölkənin xarici siyasətinə uyğun olmadığı üçün, yəni Azərbaycan Respublikasının belə bir ölkəni müstəqil olaraq tanımadığı üçün komandamızın həmin ölkə təmsilçisi ilə oyun keçirməsini məqbul saymamışdı. Düzü belə operativ və diqqətli işə görə XİN-nin fəaliyyətini alqışlamağa dəyər. Ölkənin uğurlu xarici siyasəti hamımız tərəfindən yüksək qiymətləndirilir. Belə olan təqdirdə komandamızın Təl-Əviv aeroportunda yubadılaraq onlara mənfi təsir göstərmələrinin araşdırılması üçün də XİN-dən kömək istəyirik.