3 fevral 1989-cu il doğumlu və 1,83 boyunda olan Vlad Bujor 1999-2008-ci illərdə "CFR Kluj” komandasında oynayıb. 2009-cu ildə "FC Politexnika” komandasına transfer olan futbolçu 33 matçda 4 dəfə fərqlənə bilib. Həmin ildə Rumıniya U-21 millisində 2 dəfə forma geymişdir. Bir müddət əvvəl isə onun, Türkiyənin "Mersin İdmanyurdu” komandası ilə uzunmüddətli anlaşdığı bildirilirdi. 

            Maraqlıdır ki, 21 yaşlı rumın Vlad Bujor, ilk klubu olan "CFR Kluj”da rəsmi oyuna çıxmayıb. 2009/2010-cu illərdə "FC Politexnika”nın heyətində 28 rəsmi matça çıxan Bujor, 4-dəfə fərqlənməyi bacarıb. Türkiyənin "Mersin İdmanyurdu” komandasının heyətində isə 6 oyuna cəmi 1 dəfə fərqlənə bilib.

            Ampluası mərkəz hücumçusu olan Bujor, 1.83 sm boya və 76 kq çəkiyə malikdir. Sağ ayağını daha yaxşı istifadə etməyi bacaran Vlad Bujor beynəlxalq transfer qiymətləndirilməsində 750 000 avro dəyərində göstərilir. 

            Dünən Antalya əyalətinin Belek şəhərinə təlim-məşq prosesinə yollanan komandamızın düşərgəsində yeni futbolçular Nikolae Muşat, Adrian Skarlataşe, Andrey Mureşanla bərabər Vlad Bujor da gözə dəyib. Baş məşqçi Mirça Rednikin vaxt azlığına görə "mənə hazır olan futbolçular lazımdır” fikrini yada salsaq, yəqin ki, adı çəkilən futbolçularla yanaşı Vlad Bujor da "Xəzər Lənkəran”ın heyətinə rəsmi olaraq qoşulacaq.