Bu gün səhər saatlarından "Xəzər Lənkəran”la bağlı istənməyən xəbərlər yayıldı. Belə ki, ölkənin bir neçə elektron informasiya vasitələrində vacib avrokubok oyunuöncəsi komandamızın aparıcı hücumçularından biri, Kosta-Rika millisinin də futbolçusu olan Uinston Parksın "Xəzər Lənkəran”dan ayrılaraq, paytaxtın "Bakı” klubuna keçdiyi haqda informasiyalar yayıldı. Bu informasiyalar bir az əvvəl də, yəni çempionatın qurtarmasına bir neçə tur qalmış da yayılmışdı. Elə o vaxt da Uinston Parksın adıçəkilən paytaxt klubuna keçidini gündəmə gətirən bəzi informasiya vasitələri, indi artıq bunun rəsmiləşdiyini belə iddia edərək, konkret qiymətlər belə göstərmiş olublar. 

Lakin bu məlumatları komandamızın azarkeşləri təəccüb və narahatlıqla qarşılamış olublar. Bunun üçün də biz "Bosman” fanklubu olaraq, "12-ci oyunçu” azarkeş qrupu ilə əlaqə saxlayaraq məlumatın dəqiqləşdirilərək azarkeşlərimizi bu narahatçılıqdan qurtarmaq yönündə fəaliyyətə başladıq. "12-ci oyunçu” azarkeş qrupundan artıq bu məsələ ilə əlaqədar klub rəhbərliyi ilə əlaqə yaradaraq bu xəbərin nə dərəcədə həqiqəti əks etdirdiyini öyrənmiş olduqları haqda məlumat aldıqlarını söylədilər. Bundan sonra isə biz "12-ci oyunçu” azarkeş qrupunun xəbərlərinin daim həqiqəti əks etdirdiyi üçün bu haqda bizə verilən məlumatın da tam səhih olduğuna inanırıq və onların klub rəsmilərindən aldığı, həmçinin özlərinə məxsus internet saytında yerləşdirdikləri xəbəri də aşağıda diqqətinizə çatdırırıq:

Rəsmi açıqlama: Uinston Parksın «Xəzər Lənkəran»la müqaviləsi var.

 Avroliqanın vacib oyunu öncəsi təxribat baş tutmadı…

Əldə etdiyimiz məlumatlara görə "Xəzər Lənkəran”ın 36-nömrəli futbolçusu Uinston Parksı ələ keçirmək üçün "Bakı” klubu müxtəlif işlər görür. Beləki, Uinston Parksla gizli danışıqlar aparmaq istəyində olan "Bakı” klubu, futbolçumuzun "Xəzər Lənkəran”la imzaladığı müqavilənin şətlərindən xəbərsiz olaraq heç bir hüququ əsası olmayan sənədlər hazırlamağa da çalışıb. Amma istənilən halda LİPA işlər gec –tez aşkarlanır və belə işbazlar də biabır olurlar. "Xəzər Lənkəran” klubu təkidlə bildirir ki, Uinston Parksın klubumuzla iki illik müqaviləsi vardır və onun hər hansı digər kluba keçidi mümkünsüzdür. Beləliklə,yenə də eyni hadisələr müxtəlif formalarda təkrarlanır. "Xəzər Lənkəran” avroliqada İsrailin "Makkabi” (Tel-Aviv) klubuyla vacib oyunöncəsi növbəti zərbəni ölkə daxilindən aldı. Beləki, bütün "Xəzər Lənkəran” camiəsi səhər saatlarından mətbuatda izlədikləri xəbərdən narahat oldular. Bunu da "Xəzər Lənkəran”a qarşı növbəti təxribat adlandırmaq olar.

Məsələyə bir daha aydınlııq gətirmək üçün "Xəzər Lənkəran” klubunun mətbuat xidmətinin rəhbəri Yalçın Əliyevlə əlaqə asxladıq. Yalçın bəy, konkret olaraq bildirdi ki, Uinston Parks "Xəzər Lənkəran”a məxsusdur və onun klubumuzla iki illik müqaviləsi vardır. Ümumiyyətlə bu şayələrin haradan yaranması və necə ortaya çıxması da maraq doğurur. 12cioyuncu.info olaraq məhz bu məsələni, şayələrin mənbəyini  araşdırmağa çalışacağıq…