Bir müddət öncə, komandamızdan kənarlaşdırıldığı bildirilən, lakin sonradan əvəzedici heyətə keçən, komandamızın əsas heyətində öz oyun üslubu ilə seçilən, oynadığı bütün matçlarda necə deyərlər meydanda canını qoyan Türk futbolçu Devran Ayhan yay transfer müddətinin demək olar son günündə ölkəmizin digər iddialı klubu olan "Qarabağ”a keçmişdir.

      Devran Ayhan yuxarıda da dediyimiz kimi "Xəzər”sevərlərin qəlbində yaxşı mənada həmişə yaşayacaq. Çünki o, bir professional futbolçu kimi öz üzərinə düşən işin öhdəsindən həmişə layiqincə gəlməuə çalışmış və demək olar buna nail olmuşdur. Futbolçu həyatının qəribəliklərindən biri də onun bu gün bir klub üçün, sabah isə başqa bir klub üçün tər tökməsidir ki, bu da bu gün Devran Ayhanın qismətinə düşmüşdür.

      Biz "Xəzər Lənkəran” azarkeşləri Devran bəyə bundan sonrakı karyerasında da uğurlar arzulayırıq. Çünki o, həmişə uğur qazanmağa layiq və bunu bacaracaq bir futbolçudur.  

      Eyni sözləri qapıçımız olmuş Dmitriy Kramarenko haqqında da söyləyə bilərik. Bu gün onun da ölkəmizin başqa bir iddialı klubuna keçidi haqda xəbər almışıq. Belə ki yay transfer vaxtının son günündə Dmitriy Kromarenko Bakının "İnter" klubu ilə bir illik anlaşma əldə etmişdir.

      Sən də göstərdiyin peşəkar futbolçuya layiq oyununla, komandamızın uğurları üçün keçirdiyin həyəcanla bizlərin qəlbində həmişə yaşayacaqsan. Sənə də gələcək karyeranda uğurlar arzu edirik. Çünki sən də Devran Ayhan kimi buna layiq və həm də bunu bacaracaq futbolçusan.

Uğurlar sənə Dima!, Uğurlar sənə Devran!