Ölkənin  öndə gedən idman nəşri olan "Futbol +” qəzetinin kifayət qədər maraqlı, hərtərəfli, obyektiv, idman sahəsində baş verən hər bir hadisəyə xüsusi yanaşma tərzi ilə seçilən səhifələrinə öz yazıları ilə daha da rəng qatan bölgə müxbiri Hüseyn Cəbrayıloğlu bu günlərdə 35 yaşını qeyd edir.

            Öz xüsusi istedadı ilə çox oxucuların rəğbətini qazanmış Hüseyn bəy fəaliyyətində nəinki "Xəzər Lənkəran” klubu haqda ümumiyyətlə Lənkəran futbolu haqda, onun tarixi araşdırmaları ilə bağlı çoxlarımıza məlum olmayan faktların işıqlandırılması kimi məsul işlər də görmüşdür. Təsadüfi deyil ki, Hüseyn bəy, Lənkəran futbolu və onun tarixi haqda araşdırmalarla zəngin olan kitabın həmmüəllifidir. Təkcə bu araşdırmalara və tapılan dəyərli məlumatlara görə Hüseyn bəyə minnətdar olmalıyıq. Hüseyn bəyin fəaliyyəti təkcə bunlarla yekunlaşmır. O, bölgədə uşaq futbolu haqda, gənclərin bu idman növünə münasibəti haqda çox-çox yazıların müəllifidir. Hətta deyərdik ki, Lənkəran futbolunun inkişafında Hüseyn bəyin özünəməxsus rolu var.

            Biz ona yaşayıb yaratdığı bu illərin nəinki 35, hətta 100 illərə belə sığmayan bir yaradıcılıq ömrü, can sağlığı və istəklərinə çatmasını bir olan Allahdan təvəqqe edirik.