2011-08-12 tarixində "Xəzər Lənkəran” klubuna məxsus rəsmi saytda transferlə bağlı aşağıdakı məlumat yerləşdirilib.

            "Xəzər Lənkəran” daha bir transferini rəsmiləşdirdi. Azərbaycan milli komandasının futbolçusu Branimir Subaşiç bu gündən etibarən komandamızın şərəfini qoruyacaq. 29 yaşlı hücumçu ilə klub arasında bir il yarım müddətinə müqavilə bağlandı.

            Milliyətcə serb olan Subaşiç, karyerasına doğulduğu ölkənin "Jeleznik” klubunda başlayıb. Bundan sonra hücumçu legioner karyerasına start verib. Öncə Belçikanın "Ostende”, ardınca isə Fransanın "Bove Uaz”, Ukraynanın "Çernomorets” və Rusiyanın "Amkar” klublarının formasını geyən Subaşiç, 2005-ci ildə Azərbaycanın "Neftçi” klubuna transfer olunub. 2007-ci ildə futbolçu milliləşdirilərək Azərbaycan yığma komandasının heyətinə cəlb olunub.

            2008-ci ildə artıq yığmamızın hücumçusu kimi Serbiyanın "Srvena Zvezda” klubun keçir. Burada bir mövsüm çıxış etdikdən sonra isə futbolçu Çinin "Çanjun Yatay” klubuna keçib. Son mövsümü Subaşiç çempionatımızda "Qəbələ”nin heyətində keçirib.

            Deməli, bir çox Avropa və uzaq şərq, hətta Azərbaycan klublarını gəzən və qısamüddətli zaman ərzində bu klublarda çıxış edən, millimizin heyətində ara-sıra oynamaq üçün belə milliləşdirilən bir futbolçu olan Branimir Subaçiç sanki subaşına getdiyi kimi klubları tez-tez dəyişən bir futbolçu olduğu zatən onun karyerasını əks etdirən rəsmi məlumatdan belə məlum olur. Beləliklə Branimir Subaşiç nağılının Lənkəran səhifələri başlayır. Bunun nə dərəcədə uğurlu olması isə qarşıdakı günlərdə ortaya çıxacaq. Bizə isə "Xəzər Lənkəran” azarkeşləri kimi bu transferin yalnız uğur gətirəcəyini arzulamaq qalır.