Bu gün "Bosman” fanklubunun rəhbərliyinə "Simurq” azarkeşləri
tərəfindən telefon zəngi açılıb. Zaqatalanın "Simurq” klubunun azarkeşləri "Neftçi”
və "Xəzər Lənkəran” arasında bu gün keçiriləcək, mövsümün son turunun "Böyük
oyun”unun vaxtını səbirsizliklə gözlədiklərini bildiriblər. "Simurq” klubunun
azarkeşləri adından Maqsud bəy bunları bildirib: -"Biz hamılıqla "Simurq”
klubunun azarkeşləri yığışaraq oyunun başlama vaxtını səbirsizliklə gözləyirik.
Bu ilin ən güclü komandası olan "Xəzər Lənkəran”a azarkeşlik edəcəyik və "Xəzər
lənkəran”dan yalnız qələbə gözləyirik. Bu oyunda qalib gəlməklə, "Xəzər Lənkəran”
həqiqətən də mövsümün ən güclüsü olduğunu sübut edəcəyinə inanırıq. "Xəzər Lənkəran”
qələbəyə layiqdir. Bu oyunda biz, bir daha sizlərlə olduğumuzu dilə gətirərək, sizinlə birlikdə qələbəyə
sevinəcəyik.”
Biz də öz növbəmizdə
"Simurq” azarkeşlərinə həqiqəti dəstəklədiklərinə görə təşəkkür edirik və növbəti
mövsümdə doğma komandaları olan "Simurq”a böyük uğurlar arzulayırıq.
|