«Fırtınalar Meydanı»nda vəziyyət necədir? 

Saytımızda bu gün səhər saatlarında təqdim olunan və stadion rəhbərliyinə ünavnalanan müraciətdə "Xəzər Lənkəran” komandasının iyulun 14-də keçirəcəyi oyununun "Fırtınalar Meydanı”nın tablosunda yayımlanması ilə bağlı istəyimizi bildirmişdik. "12-ci Oyunçu” azarkeş qrupu ilə birgə hazırladığmız müraciətə cavab verilmədikdə stadionun direktoru Höccət Hacıyevlə əlaqə saxladıq. Höccət bəy hazırda bunun texniki cəhətdən mümkün olub omadığını araşdıracağını bildirdi. Biz bununla da geri çəkilməyərək stadionun texniki işləri ilə məşğul olan əməkdaşlarıyla da əlaqə saxladıq. Onlar da eyni fikri səsləndirdikdə sabaha qədər gözləməyi qərara aldıq. Sabah günorta  saatlarına qədər bu məsələyə aydınlıq gələcəyinə ümid edirik.

Bu dəqiqələrdə  Avstriyanın İnsburq şəhərinin aeroportundan havaya qalxan  təyyarə ilə İsrailə uçan komandanın düşərgəsində də bu ideyanın bəyəndildiyini öyrəndik.  Beləki, iyulun 14-də «Fırtınalar Meydanı»nda stadionun tablosundan oyunun canlı reportajının izlənilməsi ideyasını komandanın rəisi Səməd Mustafayev və komandanın baş məşqçisi Mirça Rednik də bəyəniblər. Onların hər ikisi bu layihənin gerçəkləşməsini arzulayıblar.