Belçikanın Jupiler Liqasında final mərhələsi öz gərginliyi ilə davam edir. Sevimli Mirça Rednikin "Standard” Lloy komandası zirvə yarışından qopmaq niyyətində deyil. Dünən son turda "Zülte Varegem”i qonaq etmiş Lyojlular növbəti dəfə bu komandanı məğlub yola salmışlar. Bu dəfə çempionatın lideri kimi "Standard”ın üzərinə gələn "Zülte Varegem” Lyoj səfərindən 1:0 məğlubiyyətlə ayrılmaq məcburiyyətində qalıb.

            Belə ki, sona artıq bir neçə tur qalmış lideri məğlub edən Mirça Rednikin komandası xeyli əlverişli vəziyyət yaratmışdır. Bu oyuna qədər 40 xalı olan lider "Zülte Varegem”, 35 xalı olan "Standard”I daha özündən uzaq saxlamaq niyyətindəydi. Əgər onlar qələbə qazansaydılar 43 xalla liderlik mövqelərini daha da möhkəmlədəcəkdilər. Amma göründüyü kimi dahi mütəxəssis, Mirça Rednik bir daha qələbə qazanmaqla komandasının xal ehtiyatını 38 çatdırmaqla, indi cəmi ondan 2 xal geri qalır. 39 xala malik "Anderlext” ikinci pillədə qərarlaşsa da, növbəti qələbələr Redniki çempionluğa yaxınlaşdıracaq.

            Aşağıda həmin oyundan görüntüləri izləmək üçün linki təqdim edirik: http://www.youtube.com/watch?v=mJO2ihXqzyY&feature=youtu.be