Şərəfiniz üçün vuruşun…

            "Böyük Oyun”a saatlar qalmış "Xəzər Lənkəran” komandasının daxilindən yeni məlumatlar əldə etmişik. Məlumatda deyilir ki, futbolçuların oyun öncəsi əhval ruhiyyəsi yüksəkdir və hamıda qələbə əzmi hiss olunur. Elə baş məşqçi Mirça Rednik də futbolçuları ruhlandırıb, onların qələbə qazanmaq gücündə olduğunu bildirib. Rednikin  futbolçulardan tələbi də olub. Beləki, bu gün komandanın bütün üzvlərinə üzünü tutaraq Rumın mütəxəssis tarixi çıxışını edib:

"Bütün mövsüm boyu vuruşduq, çalışdıq, amma çempion ola bilmədik. Mən bunun səbəblərini indi sizinlə bölüşmək istəmirəm. Bir azdan başlayacaq "Neftçi” ilə matç da daxil olmaqla son iki oyunumuzda qələbə qazanmağa borcluyuq. Biz bunu bacararıq. Biz bu mövsümü major notlarla bitirməliyik. Sonda onu deyə bilrərəm ki, bu gün meydana çıxıb yenə də mübarizə apararaq vuruşun, qələbə üçün, ən çətin gündə sizi dəstəkləyən o fədakar yalnız sevinməyə layiq olan azarkeşləriniz üçün və nəhayət şərəfiniz üçün vuruşun !"

Mənbə: "12cioyuncu.info”