Əvvəla, saytımızın bütün oxucularını salamlayırıq. Onlara həmişə və xüsusən də bu yeni il ərəfəsində uğurlar arzu edirik. Saytımızın oxucularının "Bosman.at.ua” və ya "Bosman.tk”  versiyaları qurulub, fəaliyyətə başladığı vaxtdan bu günə qədər getdikcə artmaqda olduğu hiss olunur. Bu sayt "Bosman” fanklubunun rəsmi internet saytı olmaqla bərabər, həm də bütün azarkeşlərimizə bir tribunadır. İstənilən azarkeş bizə göstərdiyimiz əlaqə vasitələri ilə müraciət edərsə, biz onların fikirlərini saytın prinsiplərinə uyğun gələrsə, işıqlandırmağa hazırıq. Bunun üçün saytımızın "Qonaq otağı”, Şərhlər bölməsi”,  "Bizimlə əlaqə” bölməsi və burada göstərilən telefon nömrələri, həmçinin "e-mail” ünvanları sizin ixtiyarınızdadır. Biz "Xəzər Lənkəran” futbol klubunun "Bosman” fanklubuyuq. Fəaliyyətimiz də "Xəzər Lənkəran” klubu başda olmaqla, Azərbaycan futbolunun inkişafı yönündə çalışmaqdır. Bu bir idman saytıdır və Azərbaycan Demokratik Respublikasının mövcud qanunları çərçivəsində fəaliyyət göstərir.             Yəqin biz yuxarıda göstərdiyimiz qanunlara və bu qanunlar çərçivəsində öz prinsiplərimiz, dəst-xəttimizlə göstərdiyimiz fəaliyyətin nəticəsidir ki, izləyicilərimizin sayı durmadan artmaqda davam edir. Bütün izləyicilərimizə bir daha təşəkkür ifadə edirik.

            Son günlər saytımızın şərhlər bölməsində fəaliyyət prinsiplərimizə uyğun olmayan siyasi səpgidə bir neçə şərhə rast gəlinib. Özü də bu şərhlər "Dostluq Təklifi – "AADK” və 2010-cu ilin son turunda "Xəzər Lənkəran” "Qarabağ” matçı ilə əlaqədar yazılan, komandamızın məğlub bitirdiyi matçdan sonra sırf idman nöqteyi nəzərindən yazılmış "Gərgin düşüncələrlə yazılan, sonunda nikbinliyə inanılan yazı” başlığı altında getmiş yazılara verilmiş şərhlərdir. Bu Şərhlər "Bosman” fanklubunun rəhbərliyinin göstərişi və sayt idarəçilərinin vasitəsilə sistemdən silinmişdir.

            Bir daha izləyicilərimizdən xahiş edirik ki, saytımızda belə şərhlərin yolverilməz olduğunu nəzərə alsınlar. Saytımızda şərh yazarkən oxucular dini, irqi, milli ayrı seçkiliyə yol verməməli, insan şəxsiyyətinə toxunacaq ifadələr işlətməməli, Azərbaycan qanunlarına zidd və siyasi səpkili çağırışlar etməməlidirlər. Bu cür şərhlər ya redaktə ediləcək, ya da ümumiyyətlə, sayta buraxılmayacaq və silinəcəkdir.